سابق وزیراعظم پاکستان آئی آئی چندریگرکی 65ویں برسی 26 ستمبر کو منائی جائیگی

منگل 16 ستمبر 2025 11:33

مکوآنہ(اُردو پوائنٹ اخبارتازہ ترین - این این آئی۔ 16 ستمبر2025ء) پاکستان کے سابق وزیر اعظم آئی آئی چندریگر(ابراہیم اسماعیل چندریگر)کی65 ویںبرسی 26ستمبر کو منائی جائے گی وہ 17 اکتوبر 1957 سے 16 دسمبر 1957 تک پاکستان کے وزیر اعظم رہے۔ آئی آئی چندریگر1897 میں احمد آباد میں پیدا ہوئے۔

(جاری ہے)

آپ نے ممبئی یونیورسٹی سے قانون کی ڈگری حاصل کی اور احمد آباد میں وکالت شروع کی۔

1940 سے 1945 تک بمبئی مسلم لیگ کے صدر بھی رہے۔ تقسیم ہند کے بعد پاکستان کی مرکزی کابینہ میں اگست 1947 تا مئی 1948 اور اگست 1955 تا اگست 1956 وزیر رہے۔فروری 1950 تا نومبر 1951 صوبہ سرحد اور نومبر 1951 تا مئی 1953 صوبہ پنجاب کے گورنر رہے۔آپ 17 اکتوبر 1957 سے 16 دسمبر 1957 تک پاکستان کے وزیر اعظم رہے۔آئی آئی چندریگر نے 26 ستمبر1960 کو وفات پائی۔