Live Updates

سیلاب سے مجموعی طور پر 51 گرڈ اور 567 فیڈرز متاثر ہوئے، 325 فیڈر مکمل اور 234 کو جزوی طور پر بحال کردیا گیا

بدھ 17 ستمبر 2025 15:29

اسلام آباد (اُردو پوائنٹ اخبارتازہ ترین - اے پی پی۔ 17 ستمبر2025ء) سیلاب متاثرہ علاقوں میں مجموعی طور پر 51 گرڈ اور 567 فیڈرز متاثر ہوئے، 325 فیڈر مکمل اور 234 کو جزوی طور پر بحال کردیا گیا ہے، باقی علاقوں میں بجلی کی مکمل بحالی اولین ترجیح ہے۔بجلی بحالی پر پاور ڈویژن کی 17 ستمبر تک کی رپورٹ کے مطابق فیسکو کے زیرِ انتظام علاقوں میں 28 گرڈ اور 81 فیڈرز متاثر ہوئے، متاثرہ فیڈرز میں 38 مکمل اور 42 کو جزوی طور پر بحال کردیا گیا ہے، فیسکو کے 59804 متاثرہ صارفین کیلئے بجلی کی بحالی کا کام 17 سے 18 ستمبر تک مکمل کرنے کی توقع ہے۔

لیسکو کے 67 متاثرہ فیڈرز میں سے 66 مکمل اور 1کو جزوی طور پر بحال کر دیا گیا ہے، لیسکو کے 441 متاثرہ صارفین کیلئے بجلی کی بحالی کا کام 18 ستمبر تک مکمل کرنے کی توقع ہے، لیسکو کے زیرِ انتظام علاقے لاہور, ننکانہ, شیخوپورہ اور اوکاڑہ میں بجلی کی بحالی کا کام مکمل ہو چکا ہے۔

(جاری ہے)

میپکو کے 181 متاثرہ فیڈرز میں سے 13 مکمل اور 161 جزوی طور پر بحال کر دیا گیا ہے، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔

رپورٹ کے مطابق گیپکوکے کے 11 گرڈز اور 103فیڈرزمتاثر ہوئے ، متاثرہ فیڈرز میں سے 101 فیڈرز مکمل اور 2 جزوی طور پر بحال ہوچکے ہیں، گیپکو کے 327 متاثرہ صارفین کیلئے بجلی بحالی کا کام سیلاب کا پانی اترنے پر مکمل کر لیا جائے گا۔ پیسکو کے 87 فیڈرز مکمل اور 4 جزوی طور پر بحال کردئیے گئے ہیں، پیسکو کے زیرِ انتظام علاقے سوات، صوابی اور ڈی آئی خان میں بجلی کی بحالی کا کام مکمل ہو چکا ہے۔

ٹیسکو کے علاقے شمالی وزیرستان اور خیبر کے 18 فیڈرز متاثر ہوئے، 17 فیڈر مکمل اور 1 فیڈر جزوی طور پر بحال کر دیا گیا ہے۔ اسی طرح ٹیسکو کے 996 متاثرہ صارفین کیلئے بجلی کی بحالی کا کام تقریباََ 18 ستمبر تک مکمل ہونے کی توقع ہے، ٹیسکو کے علاقے خیبر میں بجلی کی بحالی کا کام مکمل کرلیا گیا ہے۔ مزید برآں ہیزیکو کے زیرِ انتظام علاقے مانسہرہ کے 3 متاثرہ فیڈر مکمل طور پر جبکہ سیپکو کے زیرِ انتظام علاقے کے 23 متاثرہ فیڈرز کو عارضی طور پر بحال کر دیا گیا ہیں۔