صوبے کے کسی بھی ضلع میں چند سو سے زائد دہشتگرد موجود نہیں،ذوالفقارحمید

دہشتگرد گروپس میں جرائم پیشہ افراد کی موجودگی کے شواہد مل رہے ہیں،پورے صوبے میں پولیس کی ٹارگٹ کاروائی جاری ہے،آئی جی

بدھ 17 ستمبر 2025 19:25

پشاور(اُردو پوائنٹ اخبارتازہ ترین - این این آئی۔ 17 ستمبر2025ء) انسپکٹر جنرل خیبرپختونخوا پولیس ذوالفقار حمید نے کہا ہے کہ صوبے کے کسی بھی ضلع میں چند سو سے زائد دہشتگرد موجود نہیں،دہشتگرد گروپس میں جرائم پیشہ افراد کی موجودگی کے شواہد مل رہے ہیں۔

(جاری ہے)

آئی جی ذوالفقارحمید کاکہنا تھا کہ صوبے کے دیگر اضلاع کی نسبت جنوبی وزیرستان میں دہشتگروں کی تعداد زیادہ ہوسکتی ہے۔

جنوبی اضلاع کی تمام ہائی ویز پر پولیس پٹرولنگ بحال ہے۔ دہشتگردوں کے خلاف صوبے کے پہاڑی اضلاع میں بھی آپریشنز کررہے ہیں ، صوبے کے جنوبی اضلاع بنوں اور ڈی ائی خان میں پولیس ہائی الرٹ پر ہے۔انکاکہنا تھا کہ دہشتگردی کے خلاف جنگ میں پولیس کیلئے کوئی ضلع چیلنجنگ نہیں۔ غیر ملکیوں کی موجودگی پر تشویش ہے، یہ معاملہ ہر جگہ اٹھایا جا رہا ہے۔