Live Updates

میچ ریفری اینڈی پائی کرافٹ کی پاکستانی ٹیم منیجر اور کپتان سے معافی مانگنے کی ویڈیو وائرل

بدھ 17 ستمبر 2025 21:40

دبئی (اُردو پوائنٹ اخبارتازہ ترین - اے پی پی۔ 17 ستمبر2025ء) ایشیا کپ میں انٹرنیشنل کرکٹ کونسل(آئی سی سی )کے متنازع میچ ریفری اینڈی پائی کرافٹ کی پاکستانی ٹیم کے منیجر اور کپتان سے معافی مانگنے کی ویڈیو وائرل ہو گئی۔ پاکستان کرکٹ بورڈ(پی سی بی)کے مطابق آئی سی سی کے متنازع میچ ریفری اینڈی پائی کرافٹ نے پاکستانی کرکٹ ٹیم کے منیجر اور ٹیم کے کپتان سے معذرت کر لی ہے۔

(جاری ہے)

اینڈی پائی کرافٹ نے پاک بھارت میچ میں دونوں ٹیموں کے کپتانوں کو مصافحہ کرنے سے منع کیا تھا، پاکستان کرکٹ بورڈ نے اینڈی پائی کرافٹ کے اس عمل پر سخت رد عمل کا اظہار کیا تھا اور انٹرنیشنل کرکٹ کونسل سے میچ ریفری اینڈی پائی کرافٹ کو ہٹانے کا مطالبہ کیا اور کہا کہ اگر ہمارا موقف تسلیم نہ کیا گیا تو پاکستانی ٹیم ایشیا کپ کے بقیہ میچز نہیں کھیلے گی جس پر اینڈی پائی کرافٹ نے 14 ستمبر کے واقعے کو مس کمیونیکیشن کا نتیجہ قرار دے کر معذرت کی، آئی سی سی نے 14 ستمبر کو میچ کے دوران کوڈ آف کنڈکٹ کی خلاف ورزی کی انکوائری پر آمادگی کا بھی اظہار کر دیا۔