سعودی عرب میں پاکستانی وفد کا شاندار استقبال اور پاک سعودی ٹاور سمیت اسلام آباد کو روشنیوں سے سجانادونوں ممالک کے درمیان تعلقات نئی جہت کی راہ پر گامزن ہونے کا مظہر ہیں

بدھ 17 ستمبر 2025 23:40

ریاض (اُردو پوائنٹ اخبارتازہ ترین - اے پی پی۔ 17 ستمبر2025ء) سعودی عرب میں پاکستانی وفد کا شاندار استقبال اور پاک سعودی ٹاور سمیت اسلام آباد کو روشنیوں سے سجانادونوں ممالک کے درمیان تعلقات نئی جہت کی راہ پر گامزن ہونے کا مظہر ہیں۔بدھ کو تفصیلات کے مطابق وزیراعظم شہباز شریف اور آرمی چیف فیلڈ مارشل سید عاصم منیر اس وقت سعودی عرب میں موجود ہیں.دوحہ میں وزیراعظم شہباز شریف اور سعودی ولی عہد کی ملاقات میں طے پایا تھا کہ دونوں کی جلد دوبارہ ملاقات ہو گی،آج وزیراعظم کا استقبال سعودی شاہی فضائیہ کی جانب سے بے مثال انداز میں کیا گیا۔

پاکستان اُن چند ممالک میں شامل ہے جنہیں سعودی عرب اس قدر عزت و تکریم دیتا ہے،پاکستان اور سعودی عرب کے سفارتی تعلقات، دوستی، محبت اور بھائی چارے کی اعلیٰ مثال ہے،سعودی عرب نے پاکستان کا ہمیشہ مشکل وقت میں ساتھ دیا ہے۔

(جاری ہے)

پاکستان اور سعودی عرب کے مابین تاریخی برادرانہ لازوال تعلقات باہمی اعتماد اور اسلامی بھائی چارے پر مبنی ہیں.پاکستان کے عوام سعودی عرب کو اپنا دوسرا گھر سمجھتے ہیں۔

خانہ کعبہ اور روضہ رسولؐ کی موجودگی کے باعث پاکستانی عوام کی سعودی عرب سے گہری مذہبی وابستگی بھی ہے،وزیراعظم کے فقید المثال استقبال کے بعد اسلام آباد انتظامیہ کو فوری احکامات جاری کیے گئے،ان احکامات کے تحت دارالحکومت کی عمارتوں کو روشنیوں سے سجایا گیا ہے، پاک سعودی ٹاور سمیت اسلام آباد کی عمارتیں روشنیوں سے جگمگا رہی ہیں ، یہ تمام اقدامات وزیراعظم کے دورہ سعودی عرب کے تناظر میں کیے گئے ہیں۔

Facebook Twitter Google + Share on Whatsapp

متعلقہ عنوان :

مزید قومی خبریں