Live Updates

سمبڑیال میں بڑے جانوروں اور بھیڑ بکریوں میں منہ کھر،انٹڑیوں کے زہر اور گل گھوٹو کی حفاظتی ویکسینیشن جاری ہے،ڈپٹی ڈائریکٹر محکمہ لائیو سٹاک

جمعرات 18 ستمبر 2025 18:08

سیالكوٹ (اُردو پوائنٹ اخبارتازہ ترین - اے پی پی۔ 18 ستمبر2025ء) تحصیل سمبڑیال میں بڑے جانوروں اور بھیڑ بکریوں میں منہ کھر،انتڑیوں کے زہر اور گل گھوٹو کی حفاظتی ویکسینیشن جاری ہے۔ان خیالات کا اظہار ڈپٹی ڈائریکٹر محکمہ لائیو سٹاک و ڈیری ڈویلپمنٹ سمبڑیال ڈاکٹر افضل نے جمعرات کو فارمرز کے نام اپنے پیغام میں کیا۔انہوں نے کہا کہ سیلاب كے بعد مختلف بیماریوں كے حملے كے خدشہ كے پیش نظر تحصیل سمبڑیال میں بڑے جانوروں اور بھیڑ بکریوں میں منہ کھر،انتڑیوں کے زہر اور گل گھوٹو کی ویکسین جاری ہے، فارمرز متعلقہ ویٹرنری ڈاکٹر سے رابطہ کرکے اپنے جانوروں کو بیماریوں سے بچانے کیلئے ہر صورت ویکسین لگوائیں۔

انہوں نے کہا کہ اس سال سیلاب کی وجہ سے بیماریوں کے حملہ کا زیادہ خدشہ ہے ، ہماری پوری کوشش ہے کہ جانوروں کو آنے والی بیماریوں سے بچایا جاسکے تاکہ مویشی پال حضرات کو مزید کسی نقصان سے بچایا جاسکے۔

(جاری ہے)

انہوں نے بتایا کہ وزیراعلیٰ پنجاب مریم نواز شریف کی ہدایات کے مطابق روزانہ کی بنیاد پر قائم فلڈ ریلیف کیمپس کا بھی دورہ کیا جارہا ہے ،متاثرین میں جانوروں کیلئے خوراک اور ونڈا بھی دیا جارہا ہے۔انہوں نے مزید بتایا کہ کیمپس پر پنجاب حکومت کی طرف سے دی گئی جانوروں کیلئے ضروری ادویات وافر مقدار میں موجود ہیں اور پنجاب حکومت کی طرف سے مزید تعاون کیا جارہا ہے۔