Live Updates

خیبرپختونخوا میں موسم جزوی ابرآلود رہے گا

جمعرات 18 ستمبر 2025 20:52

پشاور(اُردو پوائنٹ اخبارتازہ ترین - این این آئی۔ 18 ستمبر2025ء) خیبرپختونخوا میں موسم جزوی ابرآلود رہے گا ، صوبے کے بیشتر اضلاع میں آئندہ 24 گھنٹوں کے دوران بارش کا امکان ہے ، محکمہ موسمیات کے مطابق پشاور،نوشہرہ ، چارسدہ ، مردان ، صوابی ، چترال ، دیر ، بونیر ، شانگلہ ، سوات میں بارش کا امکان ہے، مالاکنڈ ، باجوڑ ، کوہستان ، تورغر ، ایبٹ آباد ، مانسہرہ ، ہری پور میں بھی بارش ہو گی ، محکمہ موسمیات کے مطابق خیبر ، کرم ، اورکزئی ، کوہاٹ ، ہنگو ، مہمند ، کرک ، بنوں ، کرک میں بھی بارش کی پیش گوئی ، لکی مروت ، ٹانک ،ڈی آئی خان ، شمالی و جنوبی وزیر ستان میں بھی بارش متوقع ہے۔

(جاری ہے)

بارش کے باعث مقامی ندی نالوں میں طغیانی و سیلاب کا خدشہ ہے، چترال ، سوات ، بونیر ، شانگلہ ، کوہستان ، بٹگرام ، تورغر ، مانسہرہ ، ایبٹ آباد میں لینڈ سلائیڈنگ کا خدشہ ہے۔ پشاور کا کم سے کم درجہ حرارت 25 ڈگری سینٹی گریڈ ریکارڈ، شہر کا زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے ۔