مولانا عبد الحق ثانی نے پاکستان ،سعودی عرب دفاعی معاہدہ خوش آئند قرار دے دیا

تمام اسلامی ممالک کے مابین دفاعی تعاون ،مضبوط اتحاد وقت کی ضرورت ہے، امیر جے یو آئی (س)

جمعرات 18 ستمبر 2025 19:07

نوشہرہ (اُردو پوائنٹ اخبارتازہ ترین - این این آئی۔ 18 ستمبر2025ء)امیر جے یو آئی (س) مولانا عبد الحق ثانی نے پاکستان اور سعودی عرب تاریخی دفاعی معاہدے کو خوش آئند قرار دیتے ہوئے کہا ہے کہ تمام اسلامی ممالک کے مابین دفاعی تعاون اور ایسی مضبوط دفاعی اتحاد وقت کی ضرورت ہے۔

(جاری ہے)

جاری بیان میں مولانا عبد الحق ثانی نے کہا کہ امت مسلمہ کو ایک اور حقیقی معنوں میں ملت واحدہ بنایا جائے، غزہ کے مظلوم مسلمانوں کی امیدیں مسلم حکمرانوں اور افواج سے وابستہ ہیں۔

انہوں نے کہا کہ اگر آج بھی امت مسلمہ ایک ملت بن کر اکھٹی نہ ہوئی تو اسلام دشمن طاقتیں باری باری کرکے سب کو نشانہ بنائیں گی۔انہوں نے کہا کہ تمام اسلامی ممالک کے مابین دفاعی تعاون اور ایک مضبوط دفاعی اتحاد وقت کی ضرورت ہے۔غزہ کے مظلوم مسلمانوں کی امیدیں مسلم حکمرانوں اور افواج سے وابستہ ہے۔