Live Updates

ایشیا کپ 2025ء : ارشدیپ سنگھ نے ٹی ٹونٹی کرکٹ میں حارث رؤف کا بڑا ریکارڈ توڑ دیا

ارشدیپ سنگھ اپنے 64 ویں ٹی ٹونٹی میں اس تاریخی مقام پر پہنچے

ذیشان مہتاب ہفتہ 20 ستمبر 2025 11:13

ایشیا کپ 2025ء : ارشدیپ سنگھ نے ٹی ٹونٹی کرکٹ میں حارث رؤف کا بڑا ریکارڈ ..

ابوظہبی (اردو پوائنٹ تازہ ترین اخبار ۔ 20 ستمبر 2025ء ) ہندوستانی تیز گیند باز ارشدیپ سنگھ نے جمعہ کے روز پاکستان کے حارث رؤف کو پیچھے چھوڑ کر فل ممبر ٹیموں میں ٹی ٹونٹی انٹرنیشنل میں تیز ترین 100 وکٹیں حاصل کرنے والے تیسرے باؤلر بن گئے۔

انہوں نے شیخ زید کرکٹ اسٹیڈیم میں اومان کے خلاف ہندوستان کے ٹی ٹونٹی ایشیاء کپ 2025ء کے مقابلے میں صرف 64 میچوں میں یہ سنگ میل حاصل کیا۔

ارشدیپ نے عمانی بلے باز ونائک شکلا کو ایک رن پر آؤٹ کرکے اپنی 100 ویں وکٹ حاصل کی اور وہ ٹی ٹونٹی کرکٹ میں یہ کارنامہ انجام دینے والے پہلے ہندوستانی بولر بن گئے۔

26 سالہ نوجوان پیسر اب 18.49 کی اوسط، 8.31 کی اکانومی ریٹ اور 4/9 کے بہترین اعداد و شمار کے ساتھ کیریئر کے متاثر کن اعداد و شمار رکھتے ہیں۔

(جاری ہے)

کم ترین میچز میں 100 ٹی ٹونٹی وکٹیں لینے والے باولرز میں راشد خان 53 میچز کے ساتھ پہلے، سری لنکا کے وینندو ہسرنگا 63 میچز کھیل کر یہ اعزز حاصل کرکے دوسرے، ارشدیپ سنگھ 64 میچز کے ساتھ تیسرے، حارث رؤف 71 میچز کے ساتھ چوتھے جب کہ آئرلینڈ کے مارک ایڈیر 72 میچز میں 100 وکٹیں لیکر پانچویں نمبر پر ہیں۔

بائیں ہاتھ کے تیز گیند باز ٹی ٹونٹی کرکٹ میں ہندوستان کے وکٹ لینے والے چارٹس میں بھی سرفہرست ہے جس کے ساتھ ہاردک پانڈیا اور یوزویندر چہل 96 وکٹوں کے ساتھ برابر ہیں جبکہ جسپریت بمراہ 92 کے ساتھ پیچھے ہیں۔

ہندوستان نے گروپ مرحلے میں اپنی ناقابل شکست سٹریک کو برقرار رکھتے ہوئے تین میچوں میں تین جیت حاصل کیں جس میں عمان کے خلاف 21 رنز کی فتح بھی شامل ہے۔

ادھر ایشیا کپ کی سپر فور لائن اپ کو حتمی شکل دے دی گئی ہے۔

سری لنکا گروپ بی میں مسلسل تین جیت کے ساتھ سرفہرست ہے جبکہ بنگلہ دیش دوسرے نمبر پر ہے۔ گروپ اے سے بھارت اور پاکستان نے اپنی کوالیفائی کر لیا۔

سپر فور مرحلے کا آغاز ہفتہ کو دبئی میں سری لنکا کے ساتھ بنگلہ دیش سے ہوگا۔ اتوار کو اسی مقام پر روایتی حریفوں پاکستان اور بھارت کے درمیان تصادم ہوگا۔

پیر کو آرام کا دن قرار دیا گیا ہے۔

پاکستان 23 ستمبر کو ابوظہبی میں سری لنکا کے خلاف کھیلے گا۔