جموں و کشمیر،ضلع اودھم پور میں نامعلوم افراد کے حملے میں بھارتی فوجی ہلاک

ہفتہ 20 ستمبر 2025 12:26

جموں (اُردو پوائنٹ اخبارتازہ ترین - اے پی پی۔ 20 ستمبر2025ء) بھارت کے غیر قانونی زیر تسلط جموں و کشمیر کے ضلع اودھم پور میں نامعلوم مسلح افراد کے حملے میں بھارتی فوجی ہلاک ہو گیا۔

(جاری ہے)

کشمیر میڈیا سروس کے مطابق بھارتی فوجی اہلکار کو ضلع کے علاقے ڈوڈو بسنت گڑھ میں محاصرے اور تلاشی کی کارروائی کے دوران ہلاک کیا گیا۔ بھارتی فوج کی راشٹریہ رائفلز، پیرا ملٹری سینٹرل ریزرو پولیس فورس اور سپیشل آپریشن گروپ (ایس او جی) کے اہلکاروں نے علاقے میں مشترکہ آپریشن گزشتہ روز شروع کیا تھا۔آپریشن میں ڈرون کیمروں اور سراغ رساں کتوں کا بھی ستعمال کیا جا رہا ہے۔