بابا گورونانک کی برسی تقریبات کا آخری روز، ملکی سلامتی کی دعائیں

یاتریوں نے بھارتی حکومت کی جانب سے برسی کی تقریبات میں شرکت کی اجازت نہ دینے پر افسوس کا اظہار کیا

پیر 22 ستمبر 2025 17:55

بابا گورونانک کی برسی تقریبات کا آخری روز، ملکی سلامتی کی دعائیں
شکرگڑھ(اُردو پوائنٹ اخبارتازہ ترین - این این آئی۔ 22 ستمبر2025ء) بابا گورو نانک کی 486 ویں برسی کی تقریبات کے پیر کو آخری روز اختتامی دعائیہ تقریب میں پاکستان کی سلامتی اور بقا کے لیے دعائیں کی گئیں۔گزشتہ شام نگر کیرتن کا مرکزی جلوس دربار ٹرمینل سے زیرو لائن تک نکالا گیا، پاکستان سمیت دنیا بھر سے آئے یاتریوں نے تین روز دربار کے مہمان خانوں میں قیام کیا۔

(جاری ہے)

یاتریوں نے دربار انتظامیہ اور حکومت پاکستان کے بہترین انتظامات کی تعریف کی۔اس موقع پر یاتریوں نے بھارتی حکومت کی جانب سے برسی کی تقریبات میں شرکت کی اجازت نہ دینے پر افسوس کا اظہار کیا۔یاد رہے کہ مشرقی پنجاب کے وزیراعلیٰ بھگوت مان سنگھ نے بھارتی سکھ یاتریوں کو کرتارپور جانے کی اجازت نہ دینے پر مودی سرکار کے خلاف پارلیمانی سطح پر بھی احتجاج کیا تھا مگر مودی سرکار نے اپنے شہریوں کی ایک نہ سنی اور سکھ یاتریوں کو مذہبی تقریب میں شرکت سے روک دیا۔