ایم ڈی اے پی پی محمد عاصم کھچی کا سینئر صحافی مظہر اقبال کی وفات پر اظہار افسوس

منگل 23 ستمبر 2025 17:55

اسلام آباد (اُردو پوائنٹ اخبارتازہ ترین - اے پی پی۔ 23 ستمبر2025ء) منیجنگ ڈائریکٹر ایسوسی ایٹڈ پریس آف پاکستان (اے پی پی) محمد عاصم کھچی نے سینئر صحافی مظہر اقبال کی سڑک حادثہ میں وفات پر گہرے دکھ اور رنج کا اظہار کیا ہے۔

(جاری ہے)

منگل کو اپنے تعزیتی پیغام میں انہوں نے مرحوم کے اہل خانہ سے دلی تعزیت اور ہمدردی کا اظہار کرتے ہوئے کہا کہ مظہر اقبال ایک کہنہ مشق صحافی تھے ۔ انہوں نے صحافتی اقدار کے فروغ میں اپنا بھرپور کردار ادا کیا اور کارکن صحافیوں کے حقوق کے لئے عملی جدوجہد کی ، ان کے انتقال سے صحافتی برادری ایک تجربہ کار صحافی اور منفرد شخصیت سے محروم ہو گئی ہے۔ ایم ڈی اے پی پی نے مرحوم کے درجات کی بلندی اور لواحقین کے لئے صبر جمیل کی دعا کی۔