سانگھڑ :بلاول بھٹو زرداری کی سابق رکن قومی اسمبلی روشن دین جونیجو کے انتقال پر لواحقین سے تعزیت

بدھ 24 ستمبر 2025 19:06

سانگھڑ (اُردو پوائنٹ اخبارتازہ ترین - این این آئی۔ 24 ستمبر2025ء) پاکستان پیپلزپارٹی کے چیئرمین بلاول بھٹو زرداری نے بدھ کو تعلقہ ٹنڈو آدم کے گاؤں سنجر جونیجوپہنچ کر سابق رکن قومی اسمبلی روشن دین جونیجو کے انتقال پر لواحقین سے تعزیت کی ۔

(جاری ہے)

چیئرمین بلاول بھٹو زرداری نے پارٹی کے بانی رکن روشن دین جونیجو کے انتقال پر ان کے صاحبزادوں ایم این اے صلاح الدین جونیجو اور غیاث الدین جونیجو ، بھائیوں نور محمد جونیجو، محمد خان جونیجو اور بھتیجے پارٹی کے ضلعی جنرل سیکریٹری جہانگیر جونیجو سے اظہار افسوس کیا ۔

چیئرمین بلاول بھٹو زرداری نے روشن دین جونیجو کے بلندی درجات کے لئے فاتحہ خوانی اور لواحقین کے صبر جمیل کی دعاکی ۔بلاول بھٹو زرداری کے ہمراہ رکن قومی اسمبلی شازیہ مری، وزیر زراعت محمد بخش خان مہر، اراکین سندھ اسمبلی امداد پتافی، جام شبیر علی ودیگر نے بھی ورثا سے اظہار افسوس کیا ۔پی پی پی شہید بینظیرآباد کے ڈویژنل جنرل سیکریٹری جاوید نایاب لغاری، پی پی پی رہنما امام الدین شوقین ودیگر نے بھی سوگواران سے تعزیت کی