شدت پسند مودی حکومت میں ایک بار پھر مسلمانوں کے قتل و غارت کا بازار گرم ،گجرات سمیت کئی ریاستوں میں پرتشدد جھڑپوں میں کئی بے گنا ہ مسلمان زخمی

جمعہ 26 ستمبر 2025 15:09

اسلام آباد (اُردو پوائنٹ اخبارتازہ ترین - اے پی پی۔ 26 ستمبر2025ء) شدت پسند مودی حکومت میں ایک بار پھر مسلمانوں کے قتل و غارت کا بازار گرم ہوگیا ہے۔تفصیلات کے مطابق بھارت میں ہندو مسلم فسادات مودی کی سفاکیت کا ایک اور سیاہ باب ہے۔مودی کی سفاک سیاست اور ہندوتوا ایجنڈا نے بھارت کو فاشزم کی تجربہ گاہ بنا دیا ہے۔انتہا پسند مودی کی ایما پر چلنے والی نام نہاد جمہوریت میں ہندو مسلم فسادات پھوٹ پڑے ہیں ۔

(جاری ہے)

حالیہ مذہبی تنازعات پرکانپور سے پھیلنے والی آگ نے پورے بھارت کو اپنی لپیٹ میں لے لیا ہے۔مسلمانوں کے خون کی پیاسی مودی حکومت نے 4 ستمبر کو کانپور میں ’’گجرات۔2‘‘ کی کوشش کی ہے۔بھارتی جریدے انڈیا ٹوڈے کے مطابق تنازعہ کے بعد گجرات سمیت کئی ریاستوں میں پرتشدد جھڑپوں میں کئی بے گناہ مسلمان زخمی ہوئے ہیں ۔ جریدے کے مطابق پولیس نے اتر پردیش کے متعدد اضلاع میں مسلمان مظاہرین کے خلاف مقدمات درج کر لیے گئے ہیں ،بھارت میں اظہارِ رائے اور مذہبی آزادی اب صرف ہندوتوا نظریہ کی تابع ہے۔