ڈی جی آئی ایس پی آر‏ لیفٹیننٹ جنرل احمد شریف چوہدری کا پنجاب یونیورسٹی لاہور کا دورہ

جمعہ 26 ستمبر 2025 15:09

اسلام آباد (اُردو پوائنٹ اخبارتازہ ترین - اے پی پی۔ 26 ستمبر2025ء) پاک فوج کے شعبہ تعلقات عامہ (آئی ایس پی آر) کے ڈائریکٹر جنرل ‏ لیفٹیننٹ جنرل احمد شریف چوہدری نے پنجاب یونیورسٹی لاہور کا دورہ کیا۔دورے کے دوران ڈی جی آئی ایس پی آر لیفٹیننٹ جنرل احمد شریف چوہدری کی آمد پر طلبا نے ان کا پرتپاک استقبال کیا۔تفصیلات کے مطابق ڈی جی آئی ایس پی آر کی طلبہ و طالبات سے خصوصی نشست میں سوالات کے جوابات دیئے۔

طلبا نے مادر وطن کے دفاع میں پاک فوج کے شانہ بشانہ کھڑے ہونے کا بھر پور عزم ظاہرکیا۔

(جاری ہے)

ڈی جی آئی ایس پی آر نے وائس چانسلر پروفیسر ڈاکٹر محمد اور فیکلٹی ممبران سے بھی ملاقات کی۔طلبہ اور فیکلٹی ممبران نے بھارت کو شکست دینے پر پاک فوج کو خراج تحسین پیش کیا۔تقریب کے شرکا نے کہا کہ وہ وطنِ عزیز کے دفاع کیلئے اساتذہ اور طلبا ہمہ وقت پاک فوج کے ساتھ کھڑے ہیں،پاک فوج کے خلاف منفی پروپیگنڈہ کے باعث ابہام اور شکوک و شبہات دور ہوگئے ہیں۔ شرکا نے کہا کہ ڈی جی آئی ایس پی آر سے گفتگو میں ڈِس انفارمیشن اور فیک نیوز کے بارے میں آگاہی ملی ہے، نوجوانوں میں غلط فہمیوں کے تدارک کے لیے اس طرح کے سیشن ضروری ہیں ۔