ڈی جی آئی ایس پی آر کی جامعہ عرو الوثقی کے علما ء اور طلبا کے ساتھ خصوصی نشست

طلبہ نے آپریشن بنیان مرصوص کی تاریخی فتح پر افواج پاکستان کو خراج تحسین پیش کیا

جمعہ 26 ستمبر 2025 22:15

لاہور(اُردو پوائنٹ اخبارتازہ ترین - این این آئی۔ 26 ستمبر2025ء)جامعہ عرو الوثقی لاہور میں ڈائریکٹر جنرل انٹر سروسز پبلک ریلیشنز (آئی ایس پی آر)کی علما ء اور طلبا سے خصوصی نشست کا انعقاد کیا گیا۔مدیر اعلی جامعہ عرو الوثقی سید جواد نقوی نے قومی شعور کی بیداری کو نسل نو کی تعلیم و تربیت کے لیے لازم قرار دیا۔

(جاری ہے)

طلبا و طالبات نے آپریشن بنیان مرصوص کی تاریخی فتح پر افواج پاکستان کو خراجِ تحسین پیش کیا۔

طلبہ نے کہا کہ ڈی جی آئی ایس پی آر نے جس وسیع القلبی سے ہمارے سوالات کے مدلل جواب دئیے وہ انتہائی خوش آئند اور حوصلہ افزا ء ہیں، سوشل میڈیا کے ذریعے پھیلائے جانے والے منفی پراپیگنڈے کے حوالے سے تمام شکوک و شبہات دور ہوگئے۔طلبا نے کہا کہ پاک فوج ہماری آن اور شان ہے اور پوری قوم سمیت دینی مکاتبِ فکر بھی اپنی افواج کے ہمراہ کھڑے تھے، کھڑے ہیں اور کھڑے رہیں گے۔