ڈی جی آئی ایس پی آر کی جامعہ عرو الوثقی لاہور کے علما اور طلبا کیساتھ خصوصی نشست

ہفتہ 27 ستمبر 2025 16:11

اسلام آباد(اُردو پوائنٹ اخبارتازہ ترین - این این آئی۔ 27 ستمبر2025ء)ڈی جی آئی ایس پی آر لیفٹیننٹ جنرل احمد شریف چوہدری نے جامعہ عرو الوثقی لاہور کے علما اور طلبا کے ساتھ خصوصی نشست میں شرکت کی۔ڈی جی آئی ایس پی آر لیفٹیننٹ جنرل احمد شریف چوہدری کی جامعہ عرو الوثقی آمد پر مدیر اعلی علامہ سید جواد نقوی اور طلبا نے انکا بھرپور استقبال کیا۔

(جاری ہے)

اس موقع پر علامہ سید جواد نقوی نے قومی شعور کی بیداری کو نسل نو کے لیے لازم قرار دیا، جبکہ طلبا و طالبات نے آپریشن بنیان مرصوص میں تاریخی فتح پر افواج پاکستان کو خراج تحسین پیش کیا۔

طلبا و طالبات نے اظہار خیال کرتے ہوئے کہا کہ سوشل میڈیا پر پھیلائے جانیوالے منفی پروپیگنڈے کے حوالے سے تمام شکوک و شبہات دور ہوگئے۔ طلبا نے کہا کہ پاک فوج ہماری آن، فخر اور شان ہے، پوری قوم سمیت دینی مکاتبِ فکر بھی اپنی افواج کے شانہ بشانہ کھڑے ہیں۔