میں نے ہمیشہ خدمت کی سیاست کی ہے ،چوہدری محمد برجیس طاہر

ہفتہ 27 ستمبر 2025 17:22

سانگلہ ہل (اُردو پوائنٹ اخبارتازہ ترین - اے پی پی۔ 27 ستمبر2025ء) میرے لیڈر میاں محمد نواز شریف نے ہمیشہ خدمت کی سیاست کو پروموٹ کیا ہے اور سیاست کے تمام اصولوں میں ہمیشہ خدمت کو ہی ترجیح دی ہے اور میاں محمد نواز شریف کے ویژن کے مطابق میرے حلقہ این اے 111 کے ہر گاؤں ہر قصبہ اور قریہ قریہ، گلی گلی میں سوئی گیس کی فراہمی کو یقینی بنایا جا رہا ہے سوئی گیس کنکشن اوپن ہوتے ہی جہاں جہاں سوئی گیس نہیں وہاں وہاں سوئی گیس پہنچانا اولین ترجیح ہے۔

ان خیالات کا اظہار پاکستان مسلم لیگ ن کے مرکزی نائب صدر اور سابق وفاقی وزیر امور کشمیر و گلگت بلتستان چوہدری محمد برجیس طاہر نے چک نمبر 5 آر بی میں سوئی گیس کی فراہمی کا افتتاح کرتے ہوئے ایک بڑے جلسہ عام سے خطاب کرتے ہوئے کیا۔

(جاری ہے)

انہوں نے کہا کہ یہ سہولت میرے حلقہ کی تمام ماوں بہنوں کیلئے گھریلو آسائش کا باعث بنانے کیلئے دی جا رہی ہے اور میری خدمت انسانیت کے جذبے کا یہ سلسلہ نہ کبھی رکا ہے اور نہ ہی رکے گا۔

انہوں نے کہا کہ چک نمبر 5 آر بی کے عوام سے میرا یہ وعدہ تھا کہ جیسے ہی سوئی گیس کنکشنوں سے پابندی ختم ہوگی میں اہل دیہہ کا یہ مطالبہ پورا کروں گا اور آج میں نے اپنا وعدہ پورا کر دیا۔ ان کا مزید کہنا تھا کہ میں نے ہمیشہ خدمت کی سیاست کی ہے، کبھی تھانے کچہری کی سیاست کو فروغ نہیں دیا اور میرے حلقہ میں خود کو عوامی خدمتگار کہنے والے حوش کے ناخن لیں اور انتقامی سیاست اور جبر و ظلم سے باز رہیں ورنہ ان کے پول کھولنے میں کوئی آر نہیں سمجھوں گا اور اگر میں نے ان کی اوقات بتانا شروع کر دی ان کو منہ چھپانے کو جگہ نہیں ہوگی لہٰذا مخالفین اپنی چرب زبانی سے باز رہیں۔\378

Facebook Twitter Google + Share on Whatsapp

میں نے ہمیشہ خدمت کی سیاست کی ہے ،چوہدری محمد برجیس طاہر

متعلقہ عنوان :

مزید قومی خبریں