Live Updates

پی سی بی کا بڑا فیصلہ: قومی کرکٹرز کے این او سی معطل، متاثرین میں بڑے نام بھی شامل

این او سی معطلی کا فیصلہ ایشیا کپ فائنل میں شکست کے ایک روز بعد کیا گیا

ذیشان مہتاب منگل 30 ستمبر 2025 10:54

لاہور (اردو پوائنٹ تازہ ترین اخبار ۔ 30 ستمبر 2025ء ) پاکستان کرکٹ بورڈ نے قومی کھلاڑیوں کے غیر ملکی لیگز کیلئے این او سی معطل کر دیئے۔

این او سی معطلی کی وجہ سے پاکستان کے ٹاپ کرکٹرز متاثر ہوں گے۔

پی سی بی کے چیف آپریٹنگ آفیسر سمیر احمد کی جانب سے اس حوالے سے باضابطہ نوٹیفکیشن جاری کردیا گیا ہے۔

(جاری ہے)

قومی کرکٹرز کے این او سی کی معطلی کا فیصلہ ایشیا کپ ٹی ٹونٹی 2025ء کے فائنل میں بھارت کے ہاتھوں شکست کے ایک روز بعد کیا گیا۔

پی سی بی نے ان کھلاڑیوں کو آسٹریلیا کی بگ بیش لیگ میں شرکت کے لیے این او سی جاری کیے تھے تاہم اب انہیں ہولڈ پر رکھ دیا گیا ہے۔

اس فیصلے کے تحت پاکستان کے ٹاپ کرکٹرز سابق کپتان بابر اعظم، شاہین آفریدی، ون ڈے کپتان محمد رضوان اور فہیم اشرف براہ راست متاثر ہوں گے۔