سلمان خان کے لیے برنس روڈ کی بریانی اورحلیم لے جاتا تھا، کاشف خان

بھارت میں اتنا کام کیا ہے، اتنا آج کل کے کسی بھی پاکستانی فنکار نے نہیں کیا ،گفتگو

منگل 30 ستمبر 2025 17:28

سلمان خان کے لیے برنس روڈ کی بریانی اورحلیم لے جاتا تھا، کاشف خان

ممبئی (اُردو پوائنٹ اخبارتازہ ترین - این این آئی۔ 30 ستمبر2025ء)سینئر اداکار و کامیڈین کاشف خان نے انکشاف کیا ہے کہ ماضی میں وہ بھارتی شہر ممبئی ایسے آتے جاتے تھے، جیسے اب کراچی کے دوسرے علاقوں کے لوگ ناظم آباد آتے جاتے ہیں جب کہ وہ برنس روڈ سے سلمان خان کے لیے بریانی اور حلیم لے جایا کرتے تھے۔کاشف خان نے حال ہی میں اے آر وائے پوڈکاسٹ میں شرکت کی، جہاں انہوں نے مختلف معاملات پر کھل کر بات کی۔

(جاری ہے)

پروگرام کے دوران بات کرتے ہوئے کاشف خان نے کہا کہ کچھ عرصہ قبل جب ان کی بیٹی ٹک ٹاکر ربیکا خان نے بتایا کہ سلمان خان اور شاہ رخ خان ان کے والد کے فین تھے تو لوگوں نے ان کی بات کا مذاق اڑایا۔ان کا کہنا تھا کہ نئی نسل کے لوگوں کا پتا نہیں لیکن حقیقت یہی ہے کہ ماضی میں وہ بھارتی اداکاروں اور بھارتی اداکار ان کے مداح ہوا کرتے تھے۔ان کے مطابق انہوں نے بھارت میں اتنا کام کیا ہے، اتنا آج کل کے کسی بھی پاکستانی فنکار نے نہیں کیا لیکن ان کے کام کے وقت سوشل میڈیا نہیں تھا، اس لیے لوگوں کو علم نہیں۔انہوں نے کہا کہ 2013 سے قبل بھارت میں کام کرنے والے پاکستانی اداکارئوں کا کام سوشل میڈیا پر کم ہے۔