بھارت کا قومی ترانہ بجانے کے دوران کھڑا نہ ہونے پرسرینگر میں 15شائقین گرفتار

بدھ 1 اکتوبر 2025 13:20

سرینگر(اُردو پوائنٹ اخبارتازہ ترین - این این آئی۔ 01 اکتوبر2025ء)غیرقانونی طورپر بھارت کے زیر قبضہ جموں وکشمیرمیں سرینگر میں ایک میچ کے موقع پر بھارت کا قومی ترانہ بجانے کے دوران کھڑا نہ ہونے پربھارتی پولیس نے 15 کشمیری شائقین کو گرفتار کر لیا۔

(جاری ہے)

کشمیر میڈیا سروس کے مطابق بھارتی پولیس نے منگل کی شام سرینگر میں پولیس فٹ بال ٹورنامنٹ میں بھارت کا قومی ترانہ بجانے پر کھڑانہ ہونے پر پندرہ تماشائیوں کو گرفتار کرلیا۔

حکام نے بتایا کہ پولیس فٹ بال ٹورنامنٹ کا فائنل دیکھنے کے لئے لیفٹیننٹ گورنر منوج سنہا بھی آئے تھے۔ پروٹوکول کے مطابق تقریب کے دوران بھارت کا قومی ترانہ بجایا گیا۔ تاہم کوٹھی باغ پولیس اسٹیشن کے اہلکاروں نے قومی ترانے کے دوران کھڑا نہ ہونے پر 15شائقین کو گرفتارکرلیا ۔