Live Updates

ڑ*وزیر اعلیٰ پنجاب کی ہدایت پر پنجاب کی تاریخ کا سب سے بڑا فلڈ سروے جاری

ی*سیلاب سے متاثرہ 27 اضلاع میں 1857 ٹیمیں سرگرم عمل ہیں : ہے۔ترجمان پی ڈی ایم اے پنجاب

جمعہ 3 اکتوبر 2025 21:00

W لاہور (اُردو پوائنٹ اخبارتازہ ترین - آن لائن۔ 03 اکتوبر2025ء) سینئر صوبائی وزیر مریم اورنگزیب نے کہا ہے کہ وزیر اعلیٰ پنجاب مریم نواز شریف کی ہدایت پر پنجاب کی تاریخ کا سب سے بڑا فلڈ سروے جاری ہے۔ اس سروے کا مقصد سیلاب متاثرین کے نقصانات کا شفاف انداز میں تعین کرنا اور متاثرہ خاندانوں کو بروقت ریلیف فراہم کرنا ہے۔ترجمان پی ڈی ایم اے پنجاب کے مطابق سیلاب سے متاثرہ 27 اضلاع میں 1857 ٹیمیں سرگرم عمل ہیں جنہوں نے اب تک 81,510 متاثرین کے ڈیٹا کو ریکارڈ کر لیا ہے۔

سروے ٹیموں نے مختلف اضلاع میں 56,207 کسانوں سے فصلوں کے نقصانات کے بارے میں معلومات حاصل کی ہیں جبکہ 53,985 ایکڑ سیلاب سے متاثرہ اراضی کی نشاندہی بھی کر لی گئی ہے۔مزید بتایا گیا ہے کہ سروے ٹیموں نے سیلاب سے متاثرہ 24,246 مکانات کا ڈیٹا مرتب کر لیا ہے۔

(جاری ہے)

مویشیوں سے محروم ہونے والے 1,057 متاثرین سے بھی تفصیلات اکٹھی کی گئی ہیں جبکہ مختلف اضلاع سے 3,945 ہلاک مویشیوں کی رپورٹ موصول ہو چکی ہے۔

ڈی جی پی ڈی ایم اے عرفان علی کاٹھیا کے مطابق اربن یونٹ، ریونیو ڈیپارٹمنٹ، محکمہ زراعت، لائیو اسٹاک اور پاک فوج کے نمائندے متاثرہ علاقوں میں گھر گھر جا کر سروے کر رہے ہیں۔ بعض مقامات پر سروے ٹیمیں کشتیوں کی مدد سے بھی متاثرہ دیہات تک پہنچ رہی ہیں تاکہ کسی بھی متاثرہ شخص کو ڈیٹا سے خارج نہ کیا جائے۔ انہوں نے کہا کہ کھڑے پانی اور مشکل حالات کے باوجود ٹیمیں اپنی ذمہ داری کو یقینی بنا رہی ہیں۔

ڈی جی نے مزید کہا کہ پی ڈی ایم اے روزانہ کی بنیاد پر سروے کی پیش رفت کا جائزہ لے رہا ہے اور وزیر اعلیٰ پنجاب کے ویژن کے مطابق ہر متاثرہ فرد کا ڈیٹا ریکارڈ میں لایا جا رہا ہے۔ متعلقہ ادارے اور ضلعی انتظامیہ شفافیت کو یقینی بنانے کے لئے دن رات کام کر رہی ہے۔سیلاب متاثرہ ایک بزرگ شہری نے وزیر اعلیٰ پنجاب مریم نواز شریف کے اقدامات کو سراہتے ہوئے کہا کہ انہیں یقین ہے کہ نواز شریف کی بیٹی متاثرین کے نقصانات کا ازالہ کرے گی۔ بزرگ شہری نے وزیر اعلیٰ پنجاب اور میاں نواز شریف کے حق میں نعرے بھی لگائے اور سروے ٹیموں کا شکریہ ادا کیا