غزہ میں دیرپا جنگ بندی کے نفاذ کے لیے امریکا کے ساتھ قریبی رابطے میں کام کر رہے ہیں

منگل 7 اکتوبر 2025 19:55

دو حہ (اُردو پوائنٹ اخبارتازہ ترین - این این آئی۔ 07 اکتوبر2025ء) قطر کی وزارت خارجہ کے ترجمان نے کہا ہے کہ غزہ میں دیرپا جنگ بندی کے نفاذ کے لیے امریکا کے ساتھ قریبی رابطے میں کام کر رہے ہیں۔ایک بیان میں ترجمان نے کہا کہ صدر ٹرمپ کے 20 نکاتی غزہ منصوبے کے متعدد نکات کی تفصیلات طے کرنا باقی ہے، غزہ مذاکرات کے بارے میں فی الحال نہ پرامید ہوا جا سکتا ہے اور نہ مایوس۔

(جاری ہے)

انھوں نے کہا کہ اگر حماس یرغمالیوں کو رہا کر دے تو اس کا مطلب جنگ کا خاتمہ ہوگا۔ ترجمان قطری وزارت خارجہ کے مطابق غزہ جنگ بندی مذاکرات کے نتائج کے منتظر ہیں۔ اسرائیل کو ٹرمپ کے غزہ منصوبے کے تحت اب تک جنگ بندی کر دینی چاہیے تھی۔ترجمان کے مطابق امریکی صدر ٹرمپ کے امن منصوبے کے ناکام ہونے کی صورت میں کسی متبادل پر بات کرنا ابھی قبل از وقت ہے، دوحہ میں حماس کے دفتر کے مستقبل پر بات کرنا بھی ابھی قبل از وقت ہوگا۔