500 ملین ڈالرز کی آمدنی کون چھوڑی! پاک بھارت میچ مجبوری بن گیا

بدھ 8 اکتوبر 2025 17:28

نئی دہلی (اُردو پوائنٹ اخبارتازہ ترین - این این آئی۔ 08 اکتوبر2025ء) بھارتی ہاتھ تو نہیں ملاتے ہیں مگر اسپانسرز اور براڈ کاسٹرز کے آگے جھک جاتے ہیں، بھارتی بورڈ نے پاک بھارت میچ کو مجبور قرار دیدیا۔میڈیا رپورٹ کے مطابق بھارتی آفیشلز نے عالمی ایونٹس میں پاکستان اور بھارت کے میچ کو مجبوری قرار دیدیا ہے، بی سی سی آئی کے آفیشل نے بھارتی اخبار کو انٹرویو میں اپنے بورڈ اور حکام کی مجبوری کا بھانڈا پھوڑ دیا۔

(جاری ہے)

بھارتی اخبار کو کرکٹ کے اعلیٰ عہدیدار نے بتایا کہ باتیں کرنا آسان ہے مگر پاک بھارت میچ نہ کرانے پر اسپانسر اور براڈ کاسٹر راضی نہیں ہوئے۔برطانوی اخبار کے مطابق ہر پاک بھارت میچ سے تقریباً 500 ملین ڈالرز کی آمدنی ہوتی ہے، ایشیا کپ میں بھارتی ڈرامے بازی کے بعد سابق انگلش کپتان مائیکل اتھرٹن اپنی آرا بھی پیش کرچکے ہیں۔مائیکل اتھرٹن نے بتایا کہ اگر صورتحال کرکٹ مقابلوں میں بھی سیاسی رہتی ہے تو آئی سی سی کو چاہیے کہ وہ عالمی ایونٹس میں دوںوں ٹیموں کے میچز نہ کرایا کرے۔