پاکستان اورجنوبی افریقہ کے درمیان سیریز کے ٹکٹس کی فروخت شروع کردی گئی

بدھ 8 اکتوبر 2025 13:12

فیصل آباد (اُردو پوائنٹ اخبارتازہ ترین - اے پی پی۔ 08 اکتوبر2025ء) پاکستان اور جنوبی افریقہ کے درمیان سیریز کے ٹکٹس کی فروخت شروع کردی گئی جبکہ ٹکٹس آن لائنpcb.tcs.com.pk پربھی دستیاب ہیں۔پی سی بی کے مطابق فیصل آباد میں تین ون ڈے انٹرنیشنل میچز 4، 6 اور 8 نومبر کو ہوں گے جن کیلئے فیصل آباد میں جنرل انکلوژر ٹکٹس 400 روپے سے شروع ہوتی ہیں جبکہ وی آئی پی ٹکٹس 3 ہزار روپے میں دستیاب ہیں۔

(جاری ہے)

انہوں نے بتایا کہ لاہور اور راولپنڈی ٹیسٹ میچز کے لیے جنرل، فرسٹ کلاس، پریمیئم اور وی آئی پی انکلوژرز میں فری داخلہ ہوگانیزلاہور اور راولپنڈی ٹیسٹ کے فزیکل ٹکٹس 8 اکتوبر سے ٹی سی ایس ایکسپریس مراکز پر دستیاب ہیں۔انہوں نے بتایا کہ ٹی ٹوئنٹی انٹرنیشنل اور ون ڈے انٹرنیشنل سیریز کے ٹکٹس 16 اکتوبر سے دستیاب ہوں گے جبکہ ایک شناختی کارڈ پر پانچ ٹکٹس خریدی جا سکیں گی اورٹی ٹوئنٹی انٹرنیشنل میچز کیلئے کم از کم ٹکٹ 400 روپے میں دستیاب ہوگی۔