شعیب اخترجیسا بولرآیا ہے نہ آئے گا،سابق بھارتی فاسٹ بولر کا اعتراف

بدھ 8 اکتوبر 2025 17:28

نئی دہلی (اُردو پوائنٹ اخبارتازہ ترین - این این آئی۔ 08 اکتوبر2025ء) بھارت کے سابق فاسٹ بولر نے سابق پاکستانی اسپیڈ اسٹار شعیب اختر کی تعریف کردی۔سابق بھارتی فاسٹ بولر مناف پٹیل نے حالیہ انٹرویو میں کہا کہ شعیب اختر نے دونوں گھٹنے خراب ہونے کے باوجود 15 سال تک ڈیڑھ سو کلو میٹر کی رفتار سے بولنگ کی جو کسی کے بس کی بات نہیں۔انہوں نے کہا کہ شعیب اختر نے اپنی دیوانگی سے اتنے طویل عرصے تک کرکٹ کھیلی۔

(جاری ہے)

واضح رہے کہ شعیب اختر نے اپنی تیز رفتار گیندوں سے کئی بیٹرز کو انجرڈ کیا اور ان کے پاس دنیا کے تیز ترین بولر ہونے کا عالمی ریکارڈ ہے۔یہ پہلی بار نہیں ہے کہ کسی بھارتی کھلاڑی نے شعیب اختر کی تعریف کی ہو اس سے قبل نوجوت سنگھ سدھو، ویرات کوہلی اور وریندر سہواگ بھی شعیب اختر کی تعریف کرچکے ہیں۔وریندر سہواگ کا کہنا تھا کہ شعیب اختر کی گیند اتنی تیز آتی تھی کہ پتا ہی نہیں چلتا تھا کہ اب کہاں آکر ہمیں لگ جائے گی۔ویرات کوہلی نے کہا کہ میں شعیب اختر کے دور میں اتنا نہیں کھیلا لیکن جو سنا اور دیکھا ہے وہ واقعی بہت ہی شاندار بولر تھے۔نوجوت سنگھ سدھو کے مطابق ٹرین کی اسپیڈ اور شعیب اختر کی بولنگ ایک جیسی ہے، ٹرین کی اسپیڈ کی طرح شعیب اختر کی گیند گزرتی تھی۔