ڈیٹنگ ایپ پر قومی راز شیئر کیوں کیی امریکی فضائیہ کے ملازم کو 6 سال قید کی سزا

جمعرات 9 اکتوبر 2025 17:47

واشنگٹن (اُردو پوائنٹ اخبارتازہ ترین - این این آئی۔ 09 اکتوبر2025ء) امریکی ایئر فورس کے ایک ملازم کو ڈیٹنگ ایپ پر محبوبہ کو قومی راز بتانا پڑا مہنگا، 6 سال قید کی سزا ہوگئی۔غیرملکی میڈیا کے مطابق امریکی فضائیہ نے اپنے سابقہ سیویلین ملازم کو ایک آن لائن ڈیٹنگ ایپ پر خفیہ معلومات شیئر کرنے پر 6 سال کی سزا سنادی ہے۔امریکی آرمی کے 64 سالہ ریٹائرڈ لیفٹیننٹ کرنل سلیٹر نے اپنی محبوبہ کو خفیہ معلومات فراہم کیں جو مبینہ طور پر یوکرین میں رہائش پزیر ہے۔

(جاری ہے)

سزا سنائے جانے سے قبل سلیٹر امریکی فضائیہ کے اہم شبعے یو۔ایس۔ اسٹریجک کمانڈ کے ساتھ منسلک تھے جہاں انکے پورٹ فولیو میں نیوکلیئر ڈیٹرنس کے حوالے سے کام شامل تھا۔امریکی ادارہ انصاف کی جانب سے بتایا گیا کہ سلیٹر نے یوکرین جنگ کے حوالے سے قومی دستاویزات سے تفصیلات آگے منتقل کیں جن میں یوکرین جنگ میں مبینہ فوجی اہداف اور روسی فوجی صلاحیتوں کے بارے میں حساس معلومات شامل تھیں۔وفاقی جج نے سلیٹر کو ماہ قید اور 25ہزار امریکی ڈالر کا جرمانہ کیا ہے۔