پاکستان کرکٹ بورڈ نے اپنا لائیو سٹریمنگ پلیٹ فارم لانچ کر دیا

جمعہ 10 اکتوبر 2025 10:20

اسلام آباد (اُردو پوائنٹ اخبارتازہ ترین - اے پی پی۔ 10 اکتوبر2025ء) پاکستان کرکٹ بورڈ نے اپنا لائیو سٹریمنگ پلیٹ فارم لانچ کر دیا۔مقصد کرکٹ شائقین کو لائیو میچز دیکھنے کی سہولت دینا ہے۔پی سی بی لائیوکرکٹ بورڈ کی پہلی او ٹی ٹی سروس ہے۔پی سی بی کے مطابق پہلے مرحلے میں برطانوی شائقین کو لائیو میچز کی سہولت دی جا رہی ہے۔پی سی بی لائیو بتدریج دنیا کے تمام خطوں میں دستیاب ہو گا۔

برطانوی شائقین خود کو https://live.pcb.com.pk پر رجسٹر کروائیں۔

(جاری ہے)

او ٹی ٹی پلیٹ فارم پر پہلی لائیو سیریز ساؤتھ افریقہ اور پاکستان کی ہو گی ۔اکتوبر کے آخری ہفتے میں پی سی بی لائیو کی موبائل ایپلیکیشن بھی دستیاب ہوگی۔یوں شائقین موبائل فون اور سمارٹ ڈیوائسز پر بھی میچز دیکھ سکیں گے۔ پاکستانی کرکٹ ٹیموں کے تمام میچز براہِ راست نشر ہوں گے۔ٹیسٹ، ون ڈے اور ٹی ٹوئنٹی انٹرنیشنل میچز دیکھنے کی سہولت دستیاب ہوگی۔پی ایس ایل سمیت منتخب ڈومیسٹک مقابلے بھی نشر کیے جائیں گے۔صارفین پی سی بی کے آرکائیو مواد تک بھی رسائی حاصل کر سکیں گے۔کھلاڑیوں کے انٹرویوز، دستاویزی فلمیں اور تازہ اپڈیٹس بھی دستیاب ہوں گی۔