امریکی اداکارہ "کومک کون پاکستان" میں شرکت کیلئے کراچی آئیں گی

جمعہ 10 اکتوبر 2025 16:13

کراچی (اُردو پوائنٹ اخبارتازہ ترین - این این آئی۔ 10 اکتوبر2025ء) ایمی ایوارڈ یافتہ امریکی اداکارہ، ہوسٹ اور پروڈیوسر زیوری ہل سے صدرِ کومک کون پاکستان سید عامر سجاد نے یونیورسل اسٹوڈیو ہالی ووڈ لاس اینجلس میں خصوصی ملاقات کی۔ اس ملاقات میں آئندہ سال کراچی ایکسپو سینٹر میں منعقد ہونے والے "کومک کون پاکستان" کے حوالے سے تفصیلی گفتگو ہوئی۔

صدرِ کومک کون پاکستان سید عامر سجاد نے زیوری ہل کو باضابطہ طور پر اس بین الاقوامی ایونٹ میں شرکت کی دعوت دی، جسے اداکارہ نے نہایت خوشی اور جوش و خروش کے ساتھ قبول کیا۔ زیوری ہل نے کہا کہ انہیں یہ جان کر بے حد مسرت ہوئی کہ پاکستان میں پہلی بار اتنے بڑے پیمانے پر کومک کون کا انعقاد کیا جا رہا ہے۔انہوں نے مزید کہا کہ:"یہ ایونٹ پاکستان کے لیے ایک نیا سنگِ میل ثابت ہوگا اور دنیا بھر سے شوبز اور انٹرٹینمنٹ انڈسٹری کے فنکاروں کو اکٹھا کرے گا۔

(جاری ہے)

صدر سید عامر سجاد نے ان کو بتایا کہ وہ اس وقت ہالی ووڈ موویز کے سب سے بڑیکلیکٹر ہیں ۔جس میں ہالی ووڈ کی بلاک بسٹر موویز کے نایاب پیسز شامل ہیں۔اس موقع پر انھوں نے کومک کون پاکستان کے میسکوٹ سپر ہیرو پاکستان کو متعارف کروایا۔جس کو دیکھ کر وہ بہت زیادہ متاثر ہوئیں۔اور اس سے بھی زیادہ وہ اس چیز سے متاثر ہوئیں کی کہ سپر ہیرو پاکستان پر بننے ولی فلم اس وقت ہالی ووڈ میں پری پروڈکشن کے فیزمیں داخل ہوچکی ہے۔

اور اگلے سال اس کی پوڈیکشن نیو یارک میں متوقع ہے۔"کومک کون پاکستان نہ صرف ملکی ثقافت و فنون کی نمائندگی کرے گا بلکہ دنیا بھر کے فنکاروں اور تخلیق کاروں کو ایک پلیٹ فارم پر لا کر ملک کے مثبت اور روشن چہرے کو اجاگر کرے گا۔"یہ ایونٹ آئندہ سال کراچی ایکسپو سینٹر میں آئندہ سال31 جنوری 2026 کو منعقد ہوگا جس میں شوبز، ٹیکنالوجی اور تخلیقی صنعتوں سے تعلق رکھنے والے مقامی و بین الاقوامی فنکار و تخلیق کار شریک ہوں گے۔