طیفی بٹ کا نام انڈر ورلڈ میں تین دہائیوں سے جاری خاندانی دشمنیوں، قتل وغارت ، لینڈ گرابنگ کی جنگوں سے جڑا ہوا تھا

پولیس ریکارڈ کے مطابق طیفی بٹ پر 16 قتل، زمینوں پرقبضے، منشیات کی اسمگلنگ جیسے الزامات تھے ، بیشترمیں بری ہوچکا تھا

ہفتہ 11 اکتوبر 2025 17:50

طیفی بٹ کا نام انڈر ورلڈ میں تین دہائیوں سے جاری خاندانی دشمنیوں، قتل ..

لاہور(اُردو پوائنٹ اخبارتازہ ترین - این این آئی۔ 11 اکتوبر2025ء) کرائم کنٹرول ڈیپارٹمنٹ کے ساتھ مبینہ پولیس مقابلے میں مارے جانے والا خواجہ تعریف گلشن عرف طیفی بٹ لاہور کے علاقے گوالمنڈی سے تعلق رکھنے والا گینگسٹر تھاجس کا نام شہر کی انڈر ورلڈ میں 3دہائیوں سے جاری خاندانی دشمنیوں، قتل و غارت اور لینڈ گرابنگ کی جنگوں سے جڑا ہوا تھا۔

(جاری ہے)

میڈیا رپورٹ کے مطابق 1994ء میں مخالف گروپ کے سرغنہ امیرالدین عرف بلا ٹرکاں والا کے قتل کے بعد بٹ اور ٹیپو گروپ میں خونریز گینگ وار شروع ہوئی، 2010ء میں بلاٹرکاں والے کے بیٹے ٹیپو ٹرکاں والا کے لاہور ایئرپورٹ پر قتل کا الزام بھی طیفی بٹ اور گوگی بٹ پر لگا تھا۔

طیفی بٹ کے بارے میں کہاجاتاہے کہ اس نے بھولا سنیارا اور ہمایوں گجر جیسے گروپوں کوساتھ ملاکر ایک مضبوط نیٹ ورک بنایا ہواتھا۔پولیس ریکارڈ کے مطابق طیفی بٹ پر 16قتل، زمینوں پر قبضے، منشیات کی اسمگلنگ اور سرپرستی جیسے الزامات تھے جن میں سے بیشتر مقدمات میں وہ بری ہو چکا تھا۔