حکومت پاکستان، اے ایف ڈی اور عالمی ادارہ صحت کا ملک سے پولیو کے خاتمے کے عزم کا اظہار

منگل 14 اکتوبر 2025 23:00

اسلام آباد(اُردو پوائنٹ اخبارتازہ ترین - این این آئی۔ 14 اکتوبر2025ء) فرانس کی ترقیاتی ایجنسی کے بھرپور تعاون سے پاکستان اور عالمی ادار صحت نے پولیو کے خاتمے کیلئے مشترکہ کوششوں کو مزید مضبوط بنانے کے عزم کا اظہار کیا ہے۔منگل کوفرانسیسی سفیر نکولا گالے، عالمی ادار صحت کے نمائندہ ڈاکٹر لو اور وزیر مملکت عائشہ رضا نے اسلام آباد میں ایک ویکسینیشن سینٹر کا دورہ کیا،جہاں بچوں کو پولیو سے بچاؤ کے قطرے پلائے جا رہے ہیں۔

(جاری ہے)

یہ مہم ملک بھر میں جاری قومی انسداد پولیو مہم کا حصہ ہے، جس کے تحت 4کروڑ 50لاکھ سے زائد بچوں کو پولیو سے محفوظ بنانے کا ہدف مقرر کیا گیا ہے۔اس موقع پر مقررین نے اس عزم کا اظہار کیا کہ عالمی اشتراک اور عوامی تعاون سے پولیو کے خاتمے کا ہدف جلد حاصل کیا جائے گا۔ فرانسیسی سفیر نکولا گانے نے کہاکہ ہم سب مل کر اس عالمی صحت کے خطرے کو ہمیشہ کیلئے ختم کر سکتے ہیں۔پولیو کے خلاف جاری یہ مہم پاکستان پولیو ایریڈیکیشن انیشی ایٹو، عالمی ادار صحت کے مشرقی بحیرہ روم کے علاقائی دفتر، اے ایف ڈی اور ایکسپینڈڈ پروگرام آن امیونائزیشن پاکستان کے اشتراک سے چلائی جا رہی ہے۔