ایشیا پیسیفک گول بال چیمپئن شپ ،چین اور ایران کی فتوحات برقرار، پاکستان کو شکست

ہفتہ 18 اکتوبر 2025 20:40

اسلام آباد (اُردو پوائنٹ اخبارتازہ ترین - اے پی پی۔ 18 اکتوبر2025ء) ایشیا پیسیفک گول بال چیمپئن شپ کے تیسرے روز چین اور ایران نےشاندار کارکردگی کے تسلسل کو برقرار رکھتے ہوئے فتوحات حاصل کیں، پاکستانی ٹیم کو ایک اور شکست کا سامنا کرنا پڑا۔تفصیلات کے مطابق مردوں کے مقابلوں میں سعودی عرب نے عراق کو 5–7، آسٹریلیا نے تھائی لینڈ کو 3–4، ازبکستان نے پاکستان کو 1–11 اور چین نے قازقستان کو 4–12 سے شکست دی۔

(جاری ہے)

ایران نے ایک اور میچ میں عراق کو 3–8 سے ہرایا۔خواتین کے مقابلوں میں جنوبی کوریا نے تھائی لینڈ کو 0–7 سے جبکہ چین نے جاپان کو 1–3 سے مات دی۔ پاکستان بلائنڈ اسپورٹس فیڈریشن کے زیرِ اہتمام جاری چیمپئن شپ میں چین، ایران، جاپان، تھائی لینڈ، قازقستان، پاکستان، سعودی عرب، آسٹریلیا، عراق اور ازبکستان کی ٹیمیں حصہ لے رہی ہیں۔یہ پہلا موقع ہے کہ ایشیا پیسیفک گول بال چیمپئن شپ پاکستان میں منعقد ہو رہی ہے۔