نوشہرہ ورکاں ،سابق ایم این اے کی گورنر پنجاب سردار سلیم حیدر سے ملاقات

جمعرات 27 نومبر 2025 11:44

نوشہرہ ورکاں (اُردو پوائنٹ اخبارتازہ ترین - اے پی پی۔ 27 نومبر2025ء) سابق ایم این اے چوہدری تصدق مسعود خاں نےگورنر پنجاب سردار سلیم حیدر سے ملاقات کی۔ گورنر ہاؤس لاہور میں ہونے والی ملاقات میں انکے ساتھ مومن مسعود خاں اور میاں عماد سعید بھی موجود تھے۔ تفصیلات کے مطابق تحصیل نوشہرہ ورکاں سے تعلق رکھنے والے سابق رکن قومی اسمبلی چوھدری تصدق مسعود خاں نے گورنر ہاؤس لاہور میں گورنر پنجاب سردار سلیم حیدر خاں سے ملاقات کی۔

اس موقع پر انکے بیٹے مومن مسعود خاں اور میاں عمار سعید بھی ہمراہ تھے۔

(جاری ہے)

اس موقع پر گورنر پنجاب سردار سلیم حیدر خاں نےان سے گفتگو کرتے ہوئےکہا کہ گورنر ہاؤس لاہور کے دروازے ہر شہری کے لیے چوبیس گھنٹے کھلے ہیں اللہ تعالیٰ نےمجھے گورنر پنجاب کی جو ذمہ داری سونپی ہے اس پر میں اللہ تعالیٰ کا بے حد شکر گزار ہوں اورمیری کوشش ہے کہ میں عوام کی بھرپور خدمت کروں جو بھی میرے دائرہ اختیار میں ہے پاکستان پیپلز پارٹی پرامن جمہوری جماعت ہے جو تمام طبقات کی ترقی و خوشحالی پر یقین رکھتی ہے اس موقع پر چوھدری تصدق مسعود خاں نے گورنر پنجاب سے قومی اور علاقائی سیاست سمیت باہمی دلچسپی کے امور پر تبادلہ خیال بھی کیا چوہدری تصدق مسعود خاں پاکستان پیپلز پارٹی کے دور حکومت میں حلقہ این اے 100 تحصیل نوشہرہ ورکاں سے پاکستان پیپلز پارٹی کے ٹکٹ پر 2010کے ضمنی انتخاب میں مسلم لیگی امیدوار اظہر قیوم ناہرا کو شکست دیکر رکن قومی اسمبلی منتخب ہوئے تھے۔

\378