شاہ فیصل ٹاؤن میں پھلوں کے باغ منصوبے کا پانچواں مرحلہ شروع

شجرکاری مہم کے تحت پھلدار درخت لگانے کا سلسلہ جاری رہے گا، رانا وحید کا خطاب

جمعرات 30 اپریل 2026 22:33

کراچی (اُردو پوائنٹ اخبارتازہ ترین - این این آئی۔ 30 اپریل2026ء) شاہ فیصل ٹاؤن میں ماحولیاتی بہتری اور سرسبز پاکستان کے وژن کو فروغ دینے کے لیے گورنمنٹ سپیریئر کالج میں شجرکاری مہم "پھلوں کے باغ" کے پانچویں منصوبے کا باقاعدہ آغاز کر دیا گیا۔ اس مہم کا انعقاد آل پاکستان فرنیچر ایسوسی ایشن کے زیر اہتمام کیا گیا، جس کی قیادت سنٹرل سینئر وائس چیئرمین رانا وحید مراد اور چیئرمین تعلقات عامہ سندھ راشد حسین انصاری نے کی۔

تقریب میں چیئرمین شاہ فیصل ٹان گوہر علی خٹک نے بطور مہمانِ خصوصی شرکت کی، جبکہ دیگر مہمانانِ اعزازی میں وائس چیئرمین طارق محمود، پرنسپل گورنمنٹ سپیریئر کالج نفیس احمد، "میری پہچان پاکستان" کے صدر ذیشان اقبال اعوان اور ایس ایچ او شاہ فیصل ٹان سرور خان شامل تھے۔

(جاری ہے)

مقررین نے اپنے خطاب میں درختوں کی اہمیت پر روشنی ڈالتے ہوئے کہا کہ پھلدار درخت نہ صرف ماحول کو بہتر بناتے ہیں بلکہ عوام کو غذائی فوائد بھی فراہم کرتے ہیں۔

انہوں نے اس عزم کا اظہار کیا کہ اس مہم کو مزید وسعت دے کر شہر کے دیگر علاقوں تک بھی پھیلایا جائے گا۔تقریب میں آل پاکستان فرنیچر ایسوسی ایشن کے اراکین ثاقب نوشاہی، لالہ پاشی، مدثر، طارق شاہ، اویس اور حسن راشد سمیت ٹی ایم سی کے نمائندگان فرحان، آفاق اور فیصل نے بھی شرکت کی۔آخر میں شرکا نے مشترکہ طور پر پودے لگا کر شہر کو سرسبز و شاداب بنانے کے عزم کا اعادہ کیا۔