پیپلز پارٹی میں شمولیت کا خواب دیکھنے والے احمقوں کی جنت میں رہتے ہیں،پرویز الٰہی

منگل 5 مئی 2026 18:38

مانانوالہ(اُردو پوائنٹ اخبارتازہ ترین - آن لائن۔ 05 مئی2026ء) سابق وزیر اعلی پنجاب چوہدری پرویز الٰہی نے کہا ہے کہ میں پارٹی کا صدر ہوں پاکستان تحریک انصاف کا حصہ ہی رہوں گا پیپلز پارٹی میں شمولیت کا خواب دیکھنے والے احمقوں کی جنت میں رہتے ہیں پیپلزپارٹی میں شمولیت کے متعلق خبروں میں کوئی حقیقت نہیں ہے۔ ان خیالات کا سابق وزیر اعلی پنجاب چوہدری پرویز الٰہی نے ممبر قومی اسمبلی تحریک انصاف خرم منور منج سے ملاقات کے دوران کیا۔

انہوں نے کہا کہ پاکستان تحریک انصاف ہی عوام کی نمائندہ جماعت ھے اور وفاق کی علامت ھے میرے حوالے سے پیپلز پارٹی میں شمولیت کی خبریں بالکل بے بنیاد ہیں میں پارٹی کا صدر ہوں اور پی ٹی آئی کا حصہ رہوں گا۔

(جاری ہے)

بانی پی ٹی آئی عمران خان کے ساتھ ہوں اور ساتھ رہوں گا قید و بند کی صعوبتیں اور سیاسی انتقام برداشت کرنا مجھے ورثہ میں ملا ھے تحریک انصاف کے ممبر قومی اسمبلی خرم منور منج جیسے جانثار ساتھی میرا سرمایہ ہیں جو آپنی قیادت کے ساتھ شانہ بشانہ کھڑے ہیں اور خرم منور منج ایک بزرگ زیرک سیاستدان حاجی منور حسین منج جیسے دوست کے بیٹے ہیں جن کی پارٹی کی گراں قدر خدمات پر سلام پیش کرتا ہوں رات جتنی سیاہ ہو اس کی صبح اتنی ہی پرنور اور سفید ہوتی ھے ملاقات کے دوران ممبر قومی اسمبلی پی ٹی آئی خرم منور منج نے سابق وزیر اعلی پنجاب چوہدری پرویز الٰہی کی خریت دریافت کی اور نیک خواہشات اور نیک تمناؤں کے ساتھ پھولوں کا گلدستہ پیش کیا اور ممبر قومی اسمبلی تحریک انصاف خرم منور منج کی دعوت پر جلد شیخوپورہ آنے کے عزم کا اظہار کیا۔