گورنر پنجاب کا یوم مئی پر خصوصی پیغام، ملکی معاشی ترقی میں مزدور کا کلیدی کردار ہے، گورنر پنجاب

جمعرات 30 اپریل 2026 19:35

لاہور (اُردو پوائنٹ اخبارتازہ ترین - اے پی پی۔ 30 اپریل2026ء) گورنر پنجاب سردار سلیم حیدر خان نے یوم مئی کے موقع پر اپنے خصوصی پیغام میں کہا ہے آج پاکستان سمیت پوری دنیا میں مزدوروں کا عالمی دن منایا جا رہا ہے۔ گورنر پنجاب نے کہا کہ ملک کی معاشی ترقی میں مزدور کا کلیدی کردار ہے جس سے انکار نہیں کیا جاسکتا۔

(جاری ہے)

انہوں نے کہا کہ صنعتوں کا پہیہ رواں دواں رکھنے والے مزدور اور ورکرز ہمارے ماتھے کا جھومر ہیں۔

انہوں نے کہا کہ دین اسلام محنت کا درس دیتا ہے اور ہمارا مذہب مزدور کے وقارکا اعتراف کرتے ہوئے اسے اللہ کا دوست قرار دیتا ہے۔ پاکستان پیپلز پارٹی مزدوروں، کسانوں اور پسے ہوئے طبقات کی جماعت ہے جس نے ہمیشہ ان کے حقوق کے لیے آواز بلند کی ہے۔ گورنر پنجاب نے کہا کہ صنعتکار کو چاہئے کہ وہ ملک میں مزدور کی خوشحالی میں اپنا کردار متحرک طریقے سے ادا کریں۔