Live Updates

ایرانی قیادت کو نشانہ بنانے کی کوشش کی گئی تو عربوں کے شاہی محلات محفوظ نہیں رہیں گے.تہران کی وارننگ

دوبارہ فوجی جارحیت کی صورت میں جوابی کاروائی میں امریکی فوجی اڈے اور خطے میں تعینات امریکی بحری بیڑے پہلا ہدف ہونگے.ایرانی سپریم کونسل کے رکن اور فوجی کمانڈروں کی گفتگو

میاں محمد ندیم ہفتہ 2 مئی 2026 18:10

ایرانی قیادت کو نشانہ بنانے کی کوشش کی گئی تو عربوں کے شاہی محلات محفوظ ..

تہران(اردوپوائنٹ اخبارتازہ ترین-انٹرنیشنل پریس ایجنسی۔02 مئی ۔2026 ) تہران نے خبردارکیا ہے کہ اگر ایرانی قیادت کو نشانہ بنانے کی کوشش کی گئی تو خطے میں امریکی اڈوں کی میزبانی کرنے والے کسی بھی عرب ملک کے شاہی محلات محفوظ نہیں رہیں گے‘رکن ایرانی نیشنل سیکورٹی کمیٹی ‘فارن پالیسی کمیشن اور سپریم کونسل حجت اسلام محمودنبویان نے ”فارس نیوز“سے انٹرویو میں کہا کہ ملک کی سنیئرلیڈرشپ پر کسی قسم کے حملے کو برداشت نہیں کیا جائے گا اورایران اتنی شدت سے جوابی کاروائی کرئے گا کہ امریکی فوجی اڈوں کی میزبانی کرنے والوں کے شاہی محلات راکھ ہوجائیں گے.

(جاری ہے)

انہوں نے خبردار کیا کہ امریکی فوجی اڈاے خطے کے ممالک کا تحفظ کرنے کی بجائے ان کے لیے خطرہ بن رہے ہیں انہوں نے کہاکہ ہم پوری چوکس اور تیار ہیں‘امریکیوں کی دوبارہ جارحیت کی کوشش خطے کو ایک نہ ختم ہونے والی ہولناک جنگ میں دھکیل دے گی . ادھر ایران کے ایئروسپیس کمانڈرماجدموسوی نے خبردار کیا کہ ایران پر دوبارہ فوجی جارحیت کی صورت میں جوابی کاروائی میں امریکی فوجی اڈے اور خطے میں تعینات امریکی بحری بیڑے ٹارگٹ ہونگے ‘انہوں نے کہاکہ ہم ممکنہ حملوں کے جواب میں کاروائیوں کے لیے تیار ہیں.

انہوں نے کہاکہ ایران کے پاس پہلے سے زیادہ بہتراور طاقتورہتھیارموجود ہیں ‘ہم زمین‘آسمان اور سمندرہر جگہ سے حملہ آوروں کو بھرپور جواب دیں گے‘دوسری جانب ایرانی بحریہ کے کمانڈرشہرام ایرانی کی جانب سے جاری بیان میں کہا گیا ہے کہ ہم جارحیت کے جواب میں جو نئے ہتھیار استعمال کرنے کے لیے تیار بیٹھے ہیں امید ہے امریکا اور اسرائیل کے سربراہان کو ان کی کارکردگی دیکھ کر ہارٹ اٹیک نہیں ہوگا ‘انہوں نے کہاکہ دنیا کی عسکری درس گاہوں میں دشمن کے دعوے مذاق بن کررہ گئے ہیں.

ایرانی بحریہ کے کمانڈرنے کہاکہ ہم امریکا کی غیرقانونی ناکہ بندی کے باوجود جنگ بندی پر قائم ہیں ‘ہم پہل نہیں کریں گے بلکہ دشمن کی جانب سے غلطی کا انتظارکریں گے اس کے بعد دنیا دیکھے گی کہ ایرانی بحریہ کس طرح ناکہ بندی میں شریک امریکا کے بحری اثاثوں کو سمندرکی تہوں میں غرق کرتی ہے.