کراچی کے شہری فلاحی کاموں اور خیرات میں ہمیشہ پیش پیش رہتے ہیں اور اسی سخاوت کی وجہ سے وہ پورے پاکستان میں پہچانے جاتے ہیں، فیصل امین

منگل 5 مئی 2026 21:10

کراچی (اُردو پوائنٹ اخبارتازہ ترین - این این آئی۔ 05 مئی2026ء) وائس ایڈمرل فیصل امین، HI (M)، کمانڈر کوسٹ نیوی اور چیئرمین ساحل ویلفیئر ایسوسی ایشن نے کہا ہے کہ کراچی کے شہری فلاحی کاموں اور خیرات میں ہمیشہ پیش پیش رہتے ہیں اور اسی سخاوت کی وجہ سے وہ پورے پاکستان میں پہچانے جاتے ہیں۔ وہ ڈی ایچ اے میں اپنے اعزاز میں دیے گئے ایک باوقار عشائیے سے خطاب کر رہے تھے۔

اس پروقار تقریب کی میزبانی تیمور صدیقی، زاہد حمید اور ڈاکٹر دانش امان نے کی، جس میں ممتاز شخصیات، کاروباری رہنماں اور سماجی حلقوں سے تعلق رکھنے والے افراد کی منتخب تعداد نے شرکت کی۔تقریب ایک مثر مکالمے کا پلیٹ فارم ثابت ہوئی جہاں مہمانوں کو معزز وائس ایڈمرل سے ملاقات اور تبادلہ خیال کا موقع ملا۔

(جاری ہے)

اس دوران سمندری سیکیورٹی، علاقائی تعاون اور قومی ترقی میں ادارہ جاتی اشتراک کے کردار جیسے اہم موضوعات پر گفتگو کی گئی۔

تقریب کے اختتام پر وائس ایڈمرل فیصل امین، HI (M) نے نمایاں خدمات اور کامیابیوں پر مختلف شخصیات میں اعزازات تقسیم کیے۔ اس تقریب نے اس یادگار شام کو مزید باوقار اور یادگار بنا دیا، جبکہ شرکا نے وائس ایڈمرل فیصل امین کی خدمات اور میزبانوں کی جانب سے شاندار انتظامات کو سراہا۔عشائیے میں اعلی سطح کے نیوی افسران، بریگیڈیئر یعقوب اعوان (ڈائریکٹر آئی ایس پی آر)، سی پی ایل سی کے حکام اور کاروباری برادری کی نمایاں شخصیات نے بھی شرکت کی۔