اسحاق ڈار سے چینی سفیر کی ملاقات، معرکہ حق کی کامیابی کی سالگرہ پر مبارکباد دی

اسحاق ڈار کا تمام شعبوں میں چین کے ساتھ تزویراتی شراکت داری مزید آگے بڑھانے کا عزم

منگل 5 مئی 2026 23:00

اسلام آباد(اُردو پوائنٹ اخبارتازہ ترین - این این آئی۔ 05 مئی2026ء) چینی سفیر برائے پاکستان جیانگ زائی ڈونگ نے منگل کو نائب وزیراعظم و وزیر خارجہ سینیٹر محمد اسحاق ڈار سے ملاقات کی۔

(جاری ہے)

ترجمان وزارت خارجہ کے مطابق ملاقات کے دوران چینی سفیر نے پاکستان کو مارکہ حق کی سالگرہ کے موقع پر حاصل ہونے والی فیصلہ کن کامیابی پر مبارکباد پیش کی اور پاکستان اور چین کے درمیان تزویراتی تعاون پر مبنی شراکت داری کی مضبوطی اور تسلسل کو سراہا۔

نائب وزیراعظم و وزیر خارجہ محمد اسحاق ڈار نے اس موقع پر کہا کہ پاکستان، چین کے ساتھ اپنی آہنی اور ہمہ موسمی تزویراتی شراکت داری کو تمام شعبوں میں مزید فروغ دینے کے لیے پرعزم ہے۔فریقین نے اس بات پر اتفاق کیا کہ پاکستان اور چین کے درمیان تعلقات خطے میں تعاون، ترقی اور استحکام کے لیے نہایت اہم ہیں اور ان کو مزید وسعت دی جائے گی۔