Live Updates

سعودی عرب کا فوجی کارروائیوں کیلئے فضائی حدود استعمال کرنے کی اجازت دینے سے انکار

جمعہ 8 مئی 2026 22:55

واشنگٹن (اُردو پوائنٹ اخبارتازہ ترین - این این آئی۔ 08 مئی2026ء) امریکا، اسرائیل اور ایران کے درمیان جاری جنگ کے دوران سعودی عرب نے اپنی فضائی حدود کو کسی بھی قسم کی جارحانہ فوجی کارروائیوں کے لیے استعمال کرنے کی اجازت دینے سے انکار کر دیا۔

(جاری ہے)

عرب میڈیا کی ایک رپورٹ میں سعودی ذرائع کا حوالہ دیتے ہوئے بتایا گیا ہے کہ سعودی عرب کشیدگی میں کمی کا خواہاں ہے اور پاکستانی ثالثی کی ان تمام تر کوششوں کی حمایت کرتا ہے جن کا مقصد واشنگٹن اور تہران کے درمیان جنگ کے خاتمے کے لیے ایک معاہدے تک پہنچنا ہے۔

سعودی ذرائع نے بتایا ہے کہ مملکت نے جارحانہ فوجی کارروائیوں کے لیے اپنی فضائی حدود کے استعمال کی اجازت نہیں دی۔سعودی ذرائع نے مزید بتایا ہے کہ کچھ عناصر مشکوک وجوہات کی بنا پر سعودی عرب کے موقف کی گمراہ کن تصویر پیش کرنے کی کوشش کر رہے ہیں۔واضح رہے کہ امریکی اخبار وال اسٹریٹ جرنل نے گزشتہ روز اپنی ایک رپورٹ میں یہ دعوی کیا تھا کہ سعودی عرب اور کویت نے امریکی فوج کو اڈوں اور فضائی حدود تک دوبارہ رسائی دے دی ہے۔