جنرل منیجر پوسٹل لائف انشورنس فضل کریم مغل کے والد اشرف مغل کے ایصالِ ثواب کے لئے قرآن خوانی اور دعائیہ تقریب کا انعقاد

جمعہ 19 جون 2026 20:15

حیدرآباد(اُردو پوائنٹ اخبارتازہ ترین - این این آئی۔ 19 جون2026ء) جنرل منیجر پوسٹل لائف انشورنس (جنوبی) پاکستان فضل کریم مغل کے والد اشرف مغل مرحوم کے ایصالِ ثواب کے لئے قرآن خوانی اور دعائیہ تقریب کا انعقاد کیا گیا، جس میں مرحوم کے درجات کی بلندی اور مغفرت کے لئے خصوصی طور پر فاتحہ خوانی کی گئی۔

(جاری ہے)

مرحوم کے بڑے صاحبزادے محمد شاہد مغل نے خصوصی طور پر سکھر سے فاتحہ خوانی میں شرکت کی، تقریب میں محکمہ ڈاک کے اعلی حکام، افسران اور ملازمین کی بڑی تعداد نے شرکت کی، جن میں پی ایم جی کراچی میٹرو پولیٹن بھٹیو مینگواڑ، ڈپٹی پی ایم جی کراچی سعید اللہ کاکڑ، سابق پی ایم جی سندھ منظور احمد، اڈی ایس ساتھ پیر علی احمد راشدی اور سابق ڈی ایس سہیل خان شامل تھے، پوسٹل یونینز کے رہنما اور نمائندے بھی بڑی تعداد میں شریک ہوئے، جن میں پیپلز یونٹی پوسٹل ایمپلائز یونین کے مرکزی رہنما عمران جمالی، ندیم خان، ڈی ایم او یونین کے اسد اللہ خان، اور نوپ یونین ارشد جاوید گروپ کے خالد جمشید، عارف ستار، مصباح علی خان اور عرفان لاکھو و دیگر شامل تھے۔

تقریب میں مرحوم کے عزیز و اقارب، دوست احباب اور دیگر شعبہ ہائے زندگی سے تعلق رکھنے والی شخصیت نے شرکت کر کے جنرل منیجر فضل کریم مغل اور دیگر لواحقین سے تعزیت کا اظہار کیا۔