Live Updates

ایرانی دھمکیاں، ٹرمپ ترکیہ سے خفیہ طور پرکیسے نکلے، امریکی اخبار نے پردہ اٹھادیا

انقرہ ائیرپورٹ پر ٹرمپ کو خفیہ طور پر ائیرفورس ون سے کیٹرنگ ٹرک کے ذریعے دوسرے طیارے پہنچایا گیا،امریکی اخبار

منگل 11 اگست 2026 21:55

واشنگٹن (اُردو پوائنٹ اخبارتازہ ترین - این این آئی۔ 11 اگست2026ء) امریکی اخبار نے باخبر امریکی عہدیدار کے حوالے سے رپورٹ میں دعوی کیا ہے کہ امریکی صدر ٹرمپ نے ایران کی دھمکیوں کے باعث خفیہ پرواز کے ذریعے ترکیے سے واپسی کی۔

(جاری ہے)

امریکی اخبار کے مطابق گزشتہ ماہ دورہ ترکیے سے ٹرمپ کی خفیہ واپسی ایران سے ملی دھمکیوں کی وجہ سے ہوئی، انقرہ ائیرپورٹ پر ٹرمپ کیمروں کے سامنے ائیرفورس ون میں سوار ہوئے تھے لیکن ٹرمپ کو خفیہ طور پر ائیرفورس ون سے کیٹرنگ ٹرک کے ذریعے دوسرے طیارے پہنچایا گیا اور ٹرمپ ترکیے سے ائیر فورس کے سی 32 اے طیارے میں برطانیہ پہنچے۔

امریکی اخبار کے مطابق ائیرفورس ون میں صحافیوں کو کھڑکیوں کے شیڈ گرائے رکھنے کی ہدایت کی گئی تھی، صحافی اور وائٹ ہائوس کا عملہ یہ سمجھتا رہا کہ ٹرمپ ائیرفروس ون میں ہی موجود ہیں، البتہ یہ واضح نہیں کہ برطانیہ میں ٹرمپ کو واپس ائیرفورس ون طیارے میں کیسے پہنچایا گیا۔خفیہ واپسی آپریشن صدر ٹرمپ کو لاحق سنجیدہ خطرے کی وجہ سے کیا گیا، پینٹاگون نے امریکی اخبار کی خبر پر فوری کوئی تبصرہ نہیں کیا۔سال 2000 میں بل کلنٹن کے دورہ پاکستان کے لیے بھی خفیہ پرواز استعمال کی گئی تھی۔