ایس ای سی پی نے ایگرو پروسیسرز اینڈ ایٹماسفیرک گیسز لمیٹڈ کے آئی پی او کی منظوری دیدی

جمعرات 13 اگست 2026 16:24

کراچی(اُردو پوائنٹ اخبارتازہ ترین - این این آئی۔ 13 اگست2026ء) سیکورٹیز اینڈ ایکس چینج کمیشن آف پاکستان نے ایگرو پروسیسرز اینڈ ایٹماسفیرک گیسز لمیٹڈ کے آئی پی او کی منظوری دے دی ہے، مذکورہ کمپنی کا پاکستان اسٹاک ایکس چینج میں باقاعدہ اندراج کیا جائے گا۔ ایس ای سی پی کے مطابق ایگرو پروسیسرز کے 5کروڑ 80 لاکھ 49ہزار 541 شئیرز کی عوامی پیشکش کی جائے گی۔

پیشکش کیے جانے والے حصص کمپنی کے آئی پی او کے بعد کے ادا شدہ سرمائے کا 15 فیصد ہیں۔

(جاری ہے)

ایگرو پروسیسرز کا آئی پی او بک بلڈنگ طریقہ کار کے تحت ہوگا۔ایس ای سی پی کے مطابق ایگرو پروسیسرز کے 75فیصد شئیرز انسٹی ٹیوشنل اور ہائی نیٹ ورتھ انویسٹرز کو فروخت کے لیے پیش کیے جائیں گے جبکہ کمپنی کے باقی ماندہ 25 فیصد شیئرز ریٹیل سرمایہ کاروں کے لیے مختص ہوں گے۔مذکورہ کمپنی خوردنی تیل، بناسپتی، صنعتی فیٹس، مارجرین، مصالحہ جات، ساسز کی تیاری، پراسیسنگ و فروخت کے کاروبار سے وابستہ ہے۔ایس ای سی پی نے سرمایہ کاروں کو مشورہ دیا ہے کہ وہ کمپنی میں سرمایہ کاری سے قبل کمپنی کے پراسپیکٹس، برسک فیکٹرز کا بغور جائزہ لیں۔