عمران خان پاکستان کو بہتر دیکھنا چاہتے ہیں، سیاست ان کی شخصیت کا حصہ ہے، قاسم خان

وہ پاکستان کو کرپشن سے پاک کرنے، لوگوں کو غربت سے نکالنے اور ملک کو مشکلات سے باہر نکالنے کے لیے ہمیشہ پُرجوش رہے ہیں، اسکائی اسپورٹس کو انٹرویو

فیضان ہاشمی جمعہ 28 اگست 2026 12:50

عمران خان پاکستان کو بہتر دیکھنا چاہتے ہیں، سیاست ان کی شخصیت کا حصہ ..

اسلام آباد(اُردو پوائنٹ اخبارتازہ ترین۔ 28 اگست2026ء) بانی پی ٹی آئی عمران خان کے صاحبزادے قاسم خان نے کہا ہے کہ سیاست عمران خان کی شخصیت کا حصہ ہے اور وہ پاکستان کو کرپشن سے پاک کرنے، لوگوں کو غربت سے نکالنے اور ملک کو مشکلات سے باہر نکالنے کے لیے ہمیشہ پُرجوش رہے ہیں۔ سکائی اسپورٹس پر انٹرویو دیتے ہوئے قاسم خان نے کہا کہ جتنی دیر سے وہ اپنے والد کو جانتے ہیں، تقریباً اتنا ہی عرصہ انہیں سیاست میں دیکھتے آئے ہیں، کیونکہ ان کی یاد کے مطابق عمران خان نے بہت کم عمری میں سیاست میں قدم رکھا تھا۔

انہوں نے کہا کہ انہوں نے عمران خان کو ہمیشہ ایسے شخص کے طور پر دیکھا ہے جو پاکستان کو کرپشن سے پاک کرنے، لوگوں کو غربت سے نکالنے اور پاکستان کو اس دلدل سے باہر نکالنے کے لیے انتہائی پُرجوش رہے ہیں جس میں ملک پھنسا ہوا ہے۔

(جاری ہے)

آپکو لگتا ہے کہ آپکے والد نے اپنی زندگی کے بہترین تین سال جیل میں گزار دیے، وہ اس عمر میں آرام دہ زندگی گزار سکتے تھے۔ آپکو عمران خان کے سیاست میں ہونے کا کوئی ملال تو نہیں؟ مائیک ایتھرٹن کا سوال

عمران خان کا سیاست میں ہونا مجھے سب سے زیادہ admire کرتا ہے۔ وہ پاکستان کو بدلنا… pic.twitter.com/7TWY0HGY5p
— Rizwan Ghilzai (Remembering Arshad Sharif) (@rizwanghilzai) August 27, 2026

قاسم خان کا کہنا تھا کہ عمران خان کی خواہش، عزم، جدوجہد اور مقصد کی عظمت ایسی چیزیں ہیں جن کی وہ اپنے والد کے بارے میں سب سے زیادہ قدر کرتے ہیں۔

ان کے مطابق عمران خان پاکستان کے بارے میں بہت جذباتی ہیں اور اسے بہتر دیکھنا چاہتے ہیں۔ انہوں نے کہا کہ ان کا ایک حصہ ضرور چاہتا ہے کہ والد ہر وقت ان کے ساتھ ہوتے، ان کے ساتھ کرکٹ کھیلتے اور وقت گزارتے، لیکن جب وہ پاکستان جاتے تھے تو انہیں عمران خان کے ساتھ کافی وقت گزارنے کا موقع ملتا تھا۔ قاسم خان نے کہا کہ پاکستان کے عوام سے یہ حق چھین لینا بھی مناسب نہیں ہوتا کہ عمران خان جو کچھ ان کے لیے کرنے کی کوشش کر رہے تھے، وہ نہ کر پاتے۔