تھائی لینڈ میں پاکستان کے 61ویں یوم دفاع و شہداء کی پروقار تقریب کا انعقاد کیاگیا

پاکستان کی مسلح افواج، باہمت شہداء اور عظیم غازیوں کی بے مثال قربانیوں، شجاعت اور پختہ عزم کو خراج تحسین پیش

ہفتہ 12 ستمبر 2026 14:16

تھائی لینڈ میں پاکستان کے 61ویں یوم دفاع و شہداء کی پروقار تقریب کا انعقاد ..

بنکاک(اُردو پوائنٹ اخبارتازہ ترین - این این آئی۔ 12 ستمبر2026ء) تھائی لینڈ میں پاکستان کے 61ویں یوم دفاع و شہداء کی مناسبت سے پروقار تقریب کا انعقاد کیا گیا، جس میں قومی جوش و جذبے کے ساتھ یوم دفاع و شہداء منایا گیا۔پاکستانی سفارتخانے کے زیر اہتمام منعقدہ تقریب میں تھائی حکام، سفارتکاروں، دفاعی اتاشیوں، صحافیوں، کاروباری شخصیات اور پاکستانی کمیونٹی نے بھرپور شرکت کی۔

(جاری ہے)

تقریب کے دوران پاکستان کی مسلح افواج، باہمت شہداء اور عظیم غازیوں کی بے مثال قربانیوں، شجاعت اور پختہ عزم کو خراج تحسین پیش کیا گیا۔ اس دوران یوم دفاع و شہداء کے حوالے سے پیش کی جانے والی دستاویزی فلم اور پاکستانی کھانوں نے قومی تقریب کو مزید باوقار بنا دیا۔یوم دفاع و شہداء کی تقریب کو ملک کی ترقی کے لیے قوم کے غیر متزلزل عزم کی تجدید کے طور پر منایا گیا۔