Live Updates

کمشنر فیصل آباد ڈاکٹر عمران حامد شیخ کاضلع چنیوٹ کا تفصیلی دورہ

جمعرات 24 ستمبر 2026 17:12

چنیوٹ (اُردو پوائنٹ اخبارتازہ ترین - اے پی پی۔ 24 ستمبر2026ء) کمشنر فیصل آباد ڈاکٹر عمران حامد شیخ نے ضلع چنیوٹ کا تفصیلی دورہ کیا۔انہوں نے ڈی سی آفس میں ضلعی محکموں کے افسران سے میٹنگ کی۔ڈپٹی کمشنر چنیوٹ عائشہ رضوان،ایڈیشنل ڈپٹی کمشنرز،اسسٹنٹ کمشنرز اور دیگر افسران موجود تھے۔کمشنر نے کہا کہ وزیراعلیٰ پنجاب مریم نواز شریف کی ہدایات پر وہ اضلاع کے دورے کرکے عوامی بہبود کے اقدامات پر عملدرآمد کا جائزہ لے رہے ہیں۔

انہوں نےڈسٹرکٹ ہیلتھ اتھارٹی کو ضلع میں عطائیت کے خلاف نتیجہ خیز مہم شروع کرنے کا ٹاسک تفویض کیا اور کہا کہ انسانی جانوں سے کھیلنے والے کسی رعایت کے مستحق نہیں۔انہوں نے کہا کہ ایسے عناصر کو نشان عبرت بنادیا جائے۔کمشنر نے کہا کہ کلینکس و سٹورز پر سرجیکل کرنے والوں کو جیل بھجوائیں۔

(جاری ہے)

انہوں نے کہا کہ ہیپاٹائٹس سمیت دیگر موذی امراض میں مبتلا مریضوں کو علاج معالجہ کے لئے مقررہ ہیلتھ فیسلٹیز کے بارے میں آگاہی دیں تاکہ ان کا بروقت اور تیز رفتار علاج معالجہ ہوسکے۔

انہوں نے ڈپٹی کمشنر کو آئندہ 3 ماہ میں سرکاری ہسپتالوں و مراکز صحت سے ریفرل ہونے والے مریضوں کی اوسط تعداد میں کمی لانے کی ہدایت کی اور کہا کہ کم ازکم کنسلٹنٹ ڈاکٹر مریضوں کو ریفرل کرے۔کمشنر نے کہا کہ بغیر نقشہ منظوری کوئی عمارت تعمیر نہیں ہونی چاہیے اس ضمن میں میونسپل کمیٹیز اور ضلع کونسل ذمہ داریاں احسن انداز میں انجام دیں اور بلڈنگز انسپکٹرز کا قبلہ درست کرائیں۔

انہوں نے آن سورس ریونیو کے تحت عوامی بہبود کی سکیموں پر عملدرآمد کی پیشرفت پر بریفنگ لی اور تعمیراتی کام مقررہ ٹائم لائن میں مکمل کرنے کی ہدایت کی۔انہوں نے سول ڈیفنس آفیسر سے کہا کہ غیر قانونی ریفلنگ کا سدباب کرائیں اور کمرشل سنٹرز میں ریفلنگ کی کوئی گنجائش نہیں۔انہوں نے پبلک ٹرانسپورٹس سے ایل پی جی گیس سلنڈرز اتروانے کی تاکید کی اور کہا کہ بس سٹینڈز سے سلنڈر کی حامل کوئی ویگن روانہ نہیں ہونی چاہیے۔انہوں نے پٹرول ڈبہ اسٹیشنز کے خطرناک کاروبار کا قلع قمع کرنے کی ہدایت کی۔انہوں نے پنجاب فوڈ اتھارتی،لائیو سٹاک کو مشترکہ طور پر ناقص و غیرمعیاری اشیائے ضروریہ کی تیاری اور فروخت اور مردہ مرغیوں کی فروخت کے خلاف گرینڈ آپریشن کا حکم دیا۔\378