کمیٹیوں کے اراکین کے اختیارات استثنیٰ اور استحقاقات کا تعین کرنے کے بل 2014ء پر مشاورت کے بل سے متعلق تحریک منظور،چیئرمین سینٹ نے بل پر غو رکے لئے اپنی سربراہی میں ہی کمیٹی قائم کر دی،قائد ایوان اور قائد حزب اختلاف کو دونوں ایوانوں کے اراکین پر مشتمل خصوصی کمیٹی تشکیل دیکر سفارشات مرتب کرنے کی ہدایت
اسلام آباد(اُردو پوائنٹ اخبار آن لائن۔21اکتوبر۔2014ء) سینٹ نے کمیٹیوں کے اراکین کے اختیارات استثنیٰ اور استحقاقات کا تعین کرنے کے بل 2014ء پر مشاورت کے بل سے متعلق تحریک کی منظوری دے دی جس پر چیئرمین سینٹ سید نیئر حسین بخاری نے بل کو متعلقہ کمیٹی کے سپرد کردیا اورقائد ایوان اور قائد حزب اختلاف کو یہ ہدایت کی کہ وہ مشاورت سے دونوں ایوانوں کے اراکین پر مشتمل خصوصی کمیٹی تشکیل دیں جو بل پر اپنی سفارشات مرتب کرکے دونوں ایوانوں میں پیش کرے ۔
پیر کے روز سینٹ کے اجلاس میں سینیٹر فرحت اللہ بابر نے پارلیمنٹ آف پاکستان اوراس کی کمیٹیوں کے اراکین کے اختیارات ، استثنیٰ اور استحقاقات کے تعین کے لئے اراکین پارلیمنٹ ( اختیارات ، استثنیٰ اور استحقاقات ) بل 2014ء پیش کرتے ہوئے کہا کہ سینٹ قوانین سے ہٹ کر کوئی ایسا قانون موجود نہیں جس کے تحت چیئرمین کمیٹی و اراکین کے استحقاق پر کوئی کارروائی کی جاسکے جبکہ پنجاب اور خیبر پختونخواہ پہلے ہی اس حوالے سے متعلقہ قانون سازی کرچکے ہیں اس پر پاکستان پیپلز پارٹی کے سینیٹر فاروق ایچ نائیک کا کہنا تھا کہ آئین کے آرٹیکل 566کی شق 3میں واضح ہے کہ چیئرمین کمیٹی کسی فرد کے خلاف کارروائی کی سفارشات کرسکتا ہے تاہم سزا کا اختیار صرف عدالت کے پاس ہےاس پر مسلم لیگ نواز کے سینیٹر راجہ ظفر الحق کا کہنا تھا کہ مظفر حسین شاہ نے بھی اس معاملے کو اٹھایا تھا اس بل پر قومی اسمبلی اور سینٹ کی متعلقہ کمیٹیو ں کا مشترکہ اجلاس بلایا جائے اور اس حوالے سے سفارشات مرتب کی جائیں عوامی نیشنل پارٹی کے سینیٹر حاجی عدیل احمد کا کہنا تھا کہ خیبر پختونخواہ میں استحقاق کمیٹی کے اختیارات وسیع ہیں جبکہ اس ایوان میں استحقاق کمیٹی کی بات کوئی سنتا ہی نہیں ہے۔
(جاری ہے)
مزید متعلقہ خبریں پڑھئیے :
متعلقہ عنوان :
