سپریم کورٹ نے نجی ٹی وی کے اینکرعامر لیاقت کے پروگرام پر تاحکم ثانی پابندی عائد کردی

حکم کے باوجود پروگرام دکھا یا گیا تو توہین عدالت ہوگی ،ْعدالت عظمیٰ سپریم کورٹ کا حکم پیمرا ،آئین ،قانون اور نیشنل ایکشن پلان کی فتح ہے ،ْچیئر مین پیمرا ابصار عالم

پیر 6 فروری 2017 19:00

اسلام آباد(اُردو پوائنٹ اخبارآن لائن۔7فروری۔2017ء) سپریم کورٹ نے نجی ٹی وی کے اینکرعامر لیاقت کے پروگرام پر تاحکم ثانی پابندی عائد کرتے ہوئے واضح کیا ہے کہ حکم کے باوجود پروگرام دکھا یا گیا تو توہین عدالت ہوگی ،ْحکم کی خلاف ورزی پر چینل انتظامیہ، اینکر کیخلاف کارروائی ہوگی۔پیر کو جسٹس امیر ہانی مسلم کی سربراہی میں 3رکنی بینچ نے پیمرا کی اپیل پر سماعت کی ۔

دوران سماعت عدالت نے ریمارکس دئیے کہ حکم کے باوجود پروگرام دکھا یا گیا تو توہین عدالت ہوگی ۔سماعت کے دوران عدالت نے نجی ٹی وی کے ڈائریکٹر آپریشنز سے نفرت انگیز مواد پر مبنی پروگرام فوری بند کرنے کی تحریری یقین دہانی طلب کرتے ہوئے کہا کہ آدھے گھنٹے میں تحریری یقین دہانی فراہم کریں ورنہ مستقل پابندی کا حکم دے دیا جائے گا۔

(جاری ہے)

وقفے کے بعد جب سماعت کا دوبارہ آغاز ہوا تو نجی ٹی وی کی جانب سے پروگرام 'ایسا نہیں چلے گا' کو تا حکم ثانی نشر نہ کرنے کی تحریری یقین دہانی کرائی گئی۔

بعدازاں کیس کی سماعت 8 فروری تک ملتوی کردی گئی۔چیئرمین پیمرا ابصار عالم نے کہا کہ سپریم کورٹ کا حکم پیمرا ،آئین ،قانون اور نیشنل ایکشن پلان کی فتح ہے، فیصلے سے واضح ہوگیاملک میں نفرت انگیزتقریربرداشت نہیں ہوگی۔انہوں نے کہا کہ سپریم کورٹ نے کہہ دیانفرت انگیز تقریرکی اجازت نہیں ہو گی اور پیمرا ایسی تقریر پر سخت ایکشن لے گا۔

Facebook Twitter Google + Share on Whatsapp

سپریم کورٹ نے نجی ٹی وی کے اینکرعامر لیاقت کے پروگرام پر تاحکم ثانی پابندی عائد کردی

حکم کے باوجود پروگرام دکھا یا گیا تو توہین عدالت ہوگی ،ْعدالت عظمیٰ سپریم کورٹ کا حکم پیمرا ،آئین ،قانون اور نیشنل ایکشن پلان کی فتح ہے ،ْچیئر مین پیمرا ابصار عالم

منگل 7 فروری 2017 کی مزید خبریں