ملک بھرمیں آپریشن "ردالفساد"کامیابی سے جاری ، سرچ آپریشنزکے دوران 57 افرادگرفتار، اسلحہ وگولہ بارود بھی برآمد

جمعرات 30 مارچ 2017 23:15

راولپنڈی(اُردو پوائنٹ اخبار آن لائن۔ جمعہ 31 مارچ 2017ء)ملک بھرمیں آپریشن "ردالفساد"کامیابی سے جاری ، ملک کے مختلف حصوں میں سرچ آپریشنزکے دوران 57 افرادگرفتار جن میں 21 افغانی بھی شامل ہیں جن سے اسلحہ وگولہ بارود بھی برآمد کر لیا گیا۔

(جاری ہے)

جمعرات کو پاک فوج کے شعبہ تعلقات عامہ (آئی ایس پی آر) کے مطابق آپریشن ردالفساد کے تحت اٹک،اسلام آباد،سیالکوٹ،نارووال،شیخوپورہ، لاہور،ڈی جی خان،رحیم یارخان اور بلوچستان کے علاقے نوشکی میں بھی سرچ آپریشن کیے گئے جن میں 21افغانیوں سمیت 57مشتبہ افراد کو گرفتار کر لیا گیا ۔گرفتار افراد سے بڑی تعدادمیں اسلحہ وگولہ بارودبھی برآمد کر لیا گیا ۔ (ن م)