بھارتی سپریم کورٹ نے ماحول کو آلودہ کرنے والی کاروں کی فروخت روک دی

اس فیصلے سے شدید فضائی آلودگی کے شکار بھارت میں ماحول کے حوالے سے بہتری آئے گی،بھارتی میڈیا

جمعرات 30 مارچ 2017 14:45

نئی دہلی(اُردو پوائنٹ اخبار آن لائن۔ جمعہ 31 مارچ 2017ء)بھارتی سپریم کورٹ نے گزشتہ روز ایسی تمام کاروں کی فروخت پر پابندی عائد کر دی جو کاربن خارج کرنے کے اعتبار سے بھارت اسٹیج تھری امیشن کیٹگر میں آتی ہیں۔

(جاری ہے)

بھارتی ٹی وی کے مطابق امید کی جا رہی ہے کہ اس فیصلے سے شدید فضائی آلودگی کے شکار بھارت میں ماحول کے حوالے سے بہتری آئے گی۔ بھارتی دارالحکومت نئی دہلی کو 2014ء میں دنیا کا آلودہ ترین شہر قرار دیا گیا تھا۔ عالمی ادارہ صحت کے ایک جائزے کے مطابق بھارت کے 12 دیگر شہر ان 20 آلودہ ترین شہروں میں شامل ہیں جس کی فہرست اس ادارے نے 1600 شہروں کے جائزے کے بعد مرتب کی۔